Elisa ɛ yɛ bɛnɩ akpilin ton be di anyandilɛ bɛ kʋtɩ
42 Duwi dɩkɩ ete ɛkɩ gɛtɛ e ye Baali-Salisa ditele daanɩ fɔ ɛ ka wanyan-fon yaabi yii beboroboro dikpilin ma anyan-fon yaabi ɛ sa kotoku anɩ, gɛ ɛ ka yɩ ɛ mɔma Wurubwarɛ wɔtabʋrʋlɛ fɔ. Gɛ Elisa ɛ dɔ̀ wɔsaranyan fɔ alan,<<Yo yɩ tɛ bɛnɩ fɔ bàà di!>>
43 Ɛwʋ gɛ wɔsaranyan fɔ e lila wɔ alan, <<Aa to a di alɛ anyan nyayɩ yaà nɩma nan yo n tɛ bɛnɩ akpilin ton?>>
Gɛ Elisa e tiri wuunyun alan, <<Yo yɩ tɛ bɛ bàà di, yema Yahwe ɛ dɔ̀ alɛ baà di yɩ, gɛtɛ yaà biri i kuruma.>> 44 Okoro ɛsaranyan fɔ e yo anyandilɛ fɔ ɛ tɛ bɛ, gɛ be di yɩ be kuruma, anlɛ gɛtɛ Yahwe ɛ bɔ ɛ dɔ̀ fɔ.