5 Ayo Obitrus to oruduru, awogboso ke tinarigwu kotata ikweyi nu kotata shini Owuso na tabo.
7 Ebebeni oyoleho ka Adole bose danu kweyi ola yu ipu koda. Odo Obitrus abo ashikwu kweyi shiyi mo, <<Nyiso papa!>> Kweyi ashirika she abo nu.
10 Ashigbo kawadakare kikyikyo kpa akomwepa, awo owofunu kogye ko gipu kogya. Ofunu gwa dawa abiyinu kweyi abwanu gese. Abose yawu go owe oye ebebeni oyoleho sho Obitrus bita.
12 Ishini Obitrus gye mani ni, ogole ko Omeremu ene ko Oyohana ni aba yogwu mo Omarkus ni, ase lewa gbayi ba tinarigwu. 13 Ebeni Obitrus gwabo ofunu kole, oyole oye nonya iyenu wo Oroda wa shoko mese. 14 Ishini opwoko wako Obitrus ni otu nu sha kotata kweyi onyinya kwikye gipu kole gbo gwofunu kelo, kweyi ga kamo Obitrus hagye ese oma. 15 Aka danu mo, <<Oya nyoza!>> Ohokoko nu mo owokwokwoshi. Aka danu mo, <<Oya wo oyoleho nu la.>>
16 Obitrus ke tayayo ya gwabo ofunu, awa gwofunu kweyi amo, kweyi igbashi yuwa kwu.