Ipu ko Okorentus
1 Itikpi ko mani, Obulus sha Atina bita go Okorentus. 2 Ebeni ogbayi kpo Oyahuda oye ni, iyenu wa Akwila ni, amo Opontus ni bwo okpagye ki Itali wa gbeji wa loni, kpo onyanu ko Oprisila, ikweyi koni Ose Okladiya zoko mo ase ko Oyahuda nibo okpagye ko Oroma ni na shogya bita. Obulus ga muwa, 3 ikweyi koni otoyu wa woye kponu, ka adaba ko gwogwo ni, oyagye kweyi ya kpa awa. 4 Eno kominyo kpiri oya ga kela kpase ipu kekpa, shini kase ko Oyahuda ka awo Ogirik shini ana zela nu.
5 Ishini Osila kpo Otimoti bwo Omasedoniya wani, Obulus zishi nu ya tono koshu neshi, oya yolobene da Ase ko Oyahuda mo, Oyesu wo Omezaya la. 6 Ishini awoyahuda ke bato Obulus awashu kweyi aba sesa, ogwo omula koshiye nu kweyi kadawa mo, <<Owoni ala nyowe, ala mobibi kiyi kala! Abo hin yanu lo. Bwikyeni gohobu, nyya gebe kawase ni wo oyahuda lo ni.>>
7 Ebeni Obulus shekpa bita kweyi gole ko Otitiyos Ojostus, ni wase ko Oyahuda lo ni ya geyagye do Owuso ni ga yagye; ole nu kwe ekpa oni. 8 Okrispus ni woteyi kekpa, kpase kipwoma nu kpiri kyogwu kpela ka Adole; ase ko Okorentus nwashika ni pwela nuni kyogwu kweyi ayuwo obatisma.
9 Otu ke enoye Adole gwo Obulus iyi kweyi kela kpanu mo, <<Kayoshi lo, ke gohobu ko kela dawa ka gbo otu lo, 10 Koni nyyo kpa awo ni. Ashishe ya gege koyo ojije kponu lo, ikweyi koni ase nwashika ipu ko ogya mani wase hin la.>> 11 Mani oni Obulus yagye ebe ni ishayi oye kpo oya ihiri ya fuwela ko Owuso.