12 Ishini Ogaliyo woteyi ko okpagye ka Akaya ni, ase ko Oyahuda ni bebeni yokwunu wa gbayi kweyi ayo Obulus kwu, byo goda kepwo. 13 Akamo, <<Ongo mani ya kpase okwunu mana geyagye do Owuso ni ono kaha wobi ni!>>
14 Ishini Obulus ya yimu ko kela ni, Ogaliyo kada ase ko Oyahuda mo, <<Owoni ela mani pini ala kamo oyoza bibi kwe oyoje la, oni biya yun ya gbotu mene kpala ase ko Oyahuda. 15 Ni oke wawashu ikweyi kiye kpela kpo ono kala la ni, owotiri shala abiyikala kyela kala gwo. Nyya wino kepwo ikweyi kela mani lo!>> 16 Ebeni onuwenya shoda ko kepwo. 17 Ebeni kpiri wa pya wikweyi ko Osostenes oteyi kekpa, kweyi agwofunu koda kepwo. Oni ke shiwo ko Ogaliyo lo kpiri kpiri.