12 Oodehay irawee dehaay bak andi (aneeb kaaki laakiin Wꞌankwana bak sooyiini): tak masiihi takat aamanaat baakaayt ibariyeek, batuuh aree bariiyooh geeb kwiraay harriiweek, baruuh ibakii batooh biifadiigeet toonaati. 13 Takat aree tak aamanaab baakaay tibariyeek, batiiyooh geeb aree kwiraay harriiweek, batuuh ibakii barooh bitfidaageet toonaati. 14 Uutak wꞌaamanaab baakaay tootakatiyooh sabbii Ukwaasana barooh agbiliini. Tutakat tꞌaamanaat baakaayt han ootakooh wꞌaamanaay sabbii, Ukwaasana batooh agbiliini. Bak biikaayeek aree, yꞌaraakna nhas kiiꞌakeena, laakiin oontꞌaaneet baraah mugaddasaaba.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)