1 Oonaay harꞌii, gwida dehayi aadhti hissa tꞌiiteena tibreeteeb waliikiin amaasiw:

Baraah "Hallaluuya!

Umidhhanwa umatuunwa yꞌakrirwa Ukwaasanaay ikatiin.

2 Bariiyuuh whukwim sidiku aree adil ikati.

Baruuh tujakiin toowin

ujikuuniisooh toobuur fasaad tibaat jasaaya.

Ikishiyaayeeh oobooy batiisooh ikwisi." idiin.

3 Aree baraah masi jajawiyaana: "Hallaluuya!

ukwaraar diimaabwa kassoohoobwa batiisooh asti eebi." idiin.

4 Isuurkina itagwgwu fadhigwa tidhhaniya tifadhigwa nꞌati dhibiyaaniit Ukwaasana yꞌabidna. Ukwaasana tehadꞌaayeetiib sꞌaab yꞌabidna, malya waawiyaana:

"Aamiin, Hallaluuya!" idiin.

5 Malya tehadꞌaayeetii iikti hiss eeyaayt:

"Ukwaasanaayoon hamidna,

baraak ikishiyaayaah kassaah,

baraak ibarooh ireekw,

idadiswa iwawinwa barooh hamidna." idi.

6 Malya gwida dehayi hiss tꞌiiteena, eeyam yꞌitragiisnaayi hiss tꞌiiteena aree wint thiwti hiss tꞌiiteena waliikee amaasiw:

"Hallaluuya!

Wꞌankwanaayuun Ukwaasana Wꞌalya diimaab hadꞌaab ikati.

7 Aflaay hinin afirhini aree nitmidhidh

aree barooh nhimid!

Whooy idoobi door yꞌaabu,

aree bariituuh tudooba ugarooyooh tisoomir.

8 Nꞌakw teetruunwa eera nhas halakaawwa

teetkwiyi jillaay batooh attiyeewiyaaba." idi.

Uteetruun uunꞌakw Ukwaasanaay oodehayi daayi shaga ikati.

9 Malya umalaktaayi anii dehaay, "Kitiba: ‘Baliin whooy doobi diraarii dehaay waliikamaab libaabiyaan!’ miyaad kitiba. Aree baruuh masi ‘Aan baraah Ukwaasanaay sidki bhali ikatiin’ miyaad kitiba." idiheeb.

10 Malya ani bariiyeeh iragadaayi whii dhibanaayt barooh abid. Laakiin baruuh anii dehaay, "Baadꞌiya! Ani barook tꞌiiti kishiya akati, aree isanaayeek geeb Yasuuꞌiib badehaat akwasi. Ukwaasana abida! Yasuuꞌiit tibadeha ishuuki siruud ikatiin." idi.

11 Teebri nigalaa rhan aree beentooy suuru eera hataay iifi. Whataay oomana Wꞌamiinwa Usidkiiwwa ittiyuud. Baruuh wꞌadlii yhankiim aree finaab ikwasi. 12 Tiliiliyaataah tunꞌeeti balool tꞌiiteeta, aree ugirmaayooh kehii gwida taj eefeen. Bariiyooh ugirmaay kehii sim kataabu, laakiin barooh ookna nuun gaal han kiikan. 13 Baruuh booy dhadhꞌama halak akwaayu, aree uusmuuh Ukwaasanaay Ibhali ikati. 14 Tibreeti dheesh barooh iitramna, baraah eera hatay amaaba, eera naaylooni nhas halaka akwaya. 15 Hasi bꞌadhadh idehaya nꞌati haay iithꞌeeb bariiyooh uyafii itfirꞌa. Baruuh diitiit kwoolaytii bareeh yhikim indi. Baruuh Ukwaasana Wꞌalyaanaay gadabi whaayt assaaraatiib bareeh eeti indi.

16 Baruuh whalakiyooh kehiiwwa uragadiyooh kehiiwa bak kitbaabu:

"Yhadꞌaayi hadꞌaawwa yꞌankwanaayi ankwanaawwa." miyaad kitbaabi.

17 Malya malaktaayiib tooyintiib gadee rhan. Baruuh tageegi hissii eekilay tibreeteeb dhaabiin waliikiya, "Mꞌaana, Ukwaasanaay oodraar oowinnaay dehaay hiddaab dibalna! 18 Aflaay baraak yhadꞌaayi daf tamaana, idaabtaayi daf tamaana, aree yhataywa yꞌoomanaayeehwa, aree kasseeh oodehayi basharwa tamaana, ikishiyaawwa yhirriiwwa, idadiswa iwawinwa, tamaana." idi.

19 Malya ani tudhhaniiwwa tubuuti hadꞌaawwa yꞌashooyaahwa hiddaab dibalee rhan. Baraah whataay oomanaawwa udheeshiyoohwa kehii finaab iikwsiini jillaay idbalna. 20 Laakiin tudhhani tꞌabak, aree batiiyooh geeb gwisri nabi batiiyooh badal mꞌuujisaateet alaama iikwsiib iifi. Baruuh teen tꞌalaama baliib tudhhaniitiit alaama idꞌiinwa batiiyooh utimsaal yꞌibidwa bareeh haay kwakwidhisiya. Baraah mhallaahna winneet fathaktiit nꞌeeti hoodhiib dhhaniib akay itoogaadna. 21 Bareeyuuh ibaagi been whataay amaanaay uyafii ifirꞌa ubꞌadhdhii itoodaarna. Aree kassaah aakilay bareeyooh ubasharii gabiyaan.