Êxodo 12

पईला फसह रा त्योआर

21 तेबे मूसे इस्राएलिया रे सब स्याणेया खे बुलाई की बोलेया, "तुसे आपणे कुला रे मुताबिक एक-एक मिन्टू तिना रे चूण्डो बीचा ते लग करी की राखी देओ ओर फसह रे दिने से बलि करना 22 ओर तेसरा खून जो तसले बीचे ऊणा, तिदे जूबा रा एक गुच्छा डबोई की तेसी तसले रे खूने की द्धारो री चौखटा रे सिरे पाँदे ओर दुँईं तरफा री साखा पाँदे कुछ लगाणा; ओर प्यागा तक तुसा बीचा ते कोई बी कअरो ते बारे नि निकल़ो। 23 कऊँकि यहोवा देशो रे बीचे ऊई की मिस्रिया खे मारदा ऊआ जाणा; मतलब जेती-जेती से चौखटा रे सिरे ओर दुँईं तरफा री साखा पाँदे खून देखोगा, तेती-तेती तेस से द्धार छाडी देणा ओर खत्म करने वाल़े तुसा रे कअरे मारने खे जाणे नि देणे।