निर्गमन 32

11 पर मूसा आपणे परमेशर यहोवे खे ये बोली की मनाणे लगेया, "ओ यहोवा, तेरा रोष आपणियां प्रजा पाँदे कऊँ पड़की रा जिना खे तूँ बड़ी सामर्थ ओर तागतबर आथो रे जरीये मिस्र देशो ते निकयाल़ी की ली आयी रा?" 12 एड़ा नि ऊणे दे कि मिस्री लोक ईंयाँ बोली सको कि से तिना खे बुरे इरादे ते पाह्ड़ो रे काई की तरतिया पाँदा ते खत्म करने री इच्छा ते निकयाल़ी की लईगा? तूँ आपणे पड़के रे रोषो खे शांत कर ओर आपणियां प्रजा रे लोका खे एड़ा नुकशाण पऊँचाणे ते मन बदली लओ। 13 आपणे दास अब्राहम, इसहाक ओर याकूबो खे याद कर, जिना ते तैं आपणी ई कसम खाई की ये बोलेया था, "मां तुसा रा वंश सर्गो रे तारेया जेड़ा बऊत करना ओर ये सारा देश जेतेरे बारे दे मैं तेरे वंशो खे देणे रा वादा करी राखेया कि सेयो तेतेरे अक्कदार सदा बणे रे रओ।" 14 तेबे यहोवे आपणी प्रजा इस्राएलिया रा नुकशाण करने खे जो तिने करने खे बोलेया था मन बदली ता।