नसीअता 5

3 कऊँकि बगानी जवाणसा रे ओठा ते सईत टपकोआ;

ओर तेसा रिया गल्ला तेलो ते बी जादा चिकणिया ओईया;

4 पर तेसा रे प्यारो रा नतीजा नागदौणे जैरो जेड़ा कऊड़ा

ओर दो ताअर वाल़ी तलवारी जेड़ा पैना ओआ।

5 तेसा तुसे मरेया रिया दुनिया दे लई जाणे,

से बाट जेथो खे जाओई से मौता री बाट ए।

6 तेबेई तो से जिन्दगिया रे बारे दे नि सोचदी,

तेसा रा चाल-चलण ठीक नि ए,

पर तिजी रे बारे से आपू पनि जाणदी।

7 इजी री खातर एबे ओ मेरे बच्चेयो, मेरी सुणो,

मेरे मुंए ते निकल़िया रिया गल्ला सुणी की मूँ नि मोड़ो।

8 बगानी जवाणसा ते दूर ई रएयो,

ओर तेसा रे कअरो री देऊल़ी पाँदे आपणे कदम पनि राखेयो;

9 केथी एड़ा नि ओ कि तूँ आपणी महिमा खोई दे जो तेरा तेरेया लोका बीचे आ,

ओर आपणी जवानिया देई निर्दयी माणूंए रे आथे मरी जाए;