45 Deenek, Ekwyala lɛɛ ɛ́ náá: «Adam mot nakusaa é mɛkɛn ɔ nabɛ ɛ́ mot epuud nadi nɛ tsik✝ɔ.» Tin, Adam mɛsik ɛ́ mot Sisim di edjɛ tsik ɔ. 46 Ye tok nyel sisim di ezyɛ sok, yɛ ɛ́ nyel epuud ɛ di ezyɛ sok. Bhii tak, nyel sisim ɛ́ kazyɛ. 47 Mot mɛkɛn nakusaa ɛ́ nɛ bɔs, mot bhɔɔba kadus ɛ́ pɛ tɔ gwoo. 48 Bot ɛ di kɔ ɛko ɛ bɔs ɔ, bɛ ɛ́ tyee wat nɛ mot nakusaa nɛ bɔs ɔ. Bela náá, bot ɛ di pɛ tɔ gwoo ɔ, bɛ ɛ́ tyee wat nɛ mot nadus pɛ tɔ gwoo ɔ. 49 Tin, yɛ ɛ́ tyee wat nɛ menabɛlka, bot ɛ́ di embaŋa-mbaŋa mot nakusaa nɛ bɔs ɔ. Deenek, yɛ ɛ́ tyee wat, mena aadika embaŋa-mbaŋa mot nadus pɛ tɔ gwoo ɔ.