Etɛp e syela Sisim natel Zaŋ ɛ 3:15-17,20

15 Mɛ nɛ gu mɛsa mɔ, mɛ nɛ gu náá, wɔ ààtela, wɔ ààgoo pe. Ye waagoka ɛ́ náá, wɔ di tɔ mɛgoo nɛghu tɔ mɛtela! 16 Tin, dáa ye di náá, wɔ ààgoo, wɔ ààtela ɛ, dáa wɔ di pak mɛgoo nɛ mɛtela ɛ, mɛ waagó wɔ dáa mot di egó dhoo ɛ. 17 Wɔ ke ɛ́ náá: "Mɛ ɛ́ kum mot, mɛ moo ɛ́ nɛ bɛtɛ nɛ mɛvu, mɛ tok tɔ ɛsɛɛga ɛ dhiiti sonok." É di’enek, wɔ ààgu mbi mot mezuk, mot mɛbɔs, djel mot, mot edhim, mot eduuba wɔ di ɛ. 20 Gwaka, mɛ eetyaa é ɛbɛ ɛ ndjaa, mɛ ɛpediig. Mot ɛ gwak gwood’am, da nyɛ ɛ́ dii ɛbɛ ɛ ndjaŋ’ɛ ɔɔ, mɛ waani tɔ ndjaŋ’ɛ. Tin, mɛ waadɛ edee é di wat bis nɛ nɛ, nyɛy nɛ nam.