João 2

Yesu ihelela kukaye kwa Nguluvi

13 Peikali pepi kufika lihungu lya Pasaka lya Vayawudi, Yesu akahelela ku Yelusalemu. 14 Peafikile palidamo lya Kaye lya Nguluvi, akavawene vanu vigucha senga na ng’ondolo na ng’unda na vanu vevakali vabadilisa sendi vakalile pamesa. 15 Suwe, akabota ndegei, agitile ndomondo na akavadaga vonda kwivala lya lidamo lya Kaye lya Nguluvi pamwi na senga na vang’ondolo. Akachigalambula mesa cha vala vabadilisa sendi na kuchisukula sendi chawo, 16 na akavalongie vala vekali vigucha ng’unda, "Mufiheche finu baha, mubihile kuigita Kaye lya Daada vangu kuva pono lya kuguchila finu!" 17 Vachulila vake vakawike kuva masimbo ga Nguluvi, "Lukelo vangu kwa Kaye lyako, ukwaka mugati lyangu ngita fila lyoto."