1 Mwaka va ulongu na chihanu va utavala va ng'achale mkomi Tibeliyo, Ponitiyo Pilato akali itavala inyi lwa Yudea. Helode akali mtavala va Galilaya na lukolo vake Filipo akali mtavala va lilungulu lya Ituleya na inyi lya Talakoniti. Lusania akali mtavala va inyi lya Abileni, 2 na Anasi na Kayafa vakali vatekechi vakomi va Nguluvi. Figono ifyo luchowo lwa Nguluvi lyamwachie Yohani mwana va Sakalia ukoya kudasi. 3 Yohani akahelele ku inyi chonda chechigehe mumbali lya mgoka Yolidani. Akavadalikia vanu valeke sambi chawo na vabatiswe neke Nguluvi avahechelele sambi chawo. 4 Ngita peyasimbilwe mukiganulo cha mvichi va Nguluvi yeikemelwa Isaya,

"Munu yumwi ikemela kuhuma kudasi,

‘Mumgalanichile Mtwa ng'asi lyake,

Mugolole ng'asi lyake.

5 Kila litava lisilwa,

Kila lidunda na kidunda fisengamulwa,

Kila ng'asi yeigogombie igoloswa,

Ng'asi lihofu itengeneswa.

6 Vanu vonda vakuulola ukombosi yeakuleta Nguluvi.’"

7 Baho lipinga lya vanu lyemuhelelie Yohani neke avabatise, Yohani akavalongie "Nyenye filelo fya liyoka! Nde ani avalongie mnyile kuhigwa na Nguluvi? 8 Mwonese kwa magito kuva muhongiche. Mbihile kwihocha Nguluvi akwivaidikila ngita mukwifuna kuva, ‘Daada vetu ndi Ibulahimu!’ Ndikuvalongela ndakyene, Nguluvi ivesa kugagita maganga aga gaveche vana va Ibulahimu. 9 Livago lisindilwe kuvikwa mumidadikwa ga mibiki, suwe kila libiki lyeselibaba minunu manono lidumulwa na kutagwa mulyoto."

10 Lipinga lya vanu likahuchile, "Nondee tugite liki?"

11 Yohani avahigile, "Munu yeagehe na myenda givili na amugavile yeihela mwenda na yeagehe na kyakulia na agite ndeni." 12 Vanyamula usulu navo vakahele neke vabatiswe, vamuhuchile, "Muwulanichi, nefwe tugite liki?"

13 Avalongie, "Mbihile kunyamula usulu chongofu kuchumba kila kyemlongilwe."

14 Vapuga navo vakamwuchile, "Na nefwe tungite liki?" Akavahigile, "Mbihile kunyaga kinu kya munu vala kumulata munu yeyonda kwa udesi, mugwite na kila kyemuhombwa."

15 Vanu vakali vilolela kinu kyekihumila, vakali vakwihocha munumbula chawo makani gya Yohani kuva mwene ndi Kilisito yeahaguliwe na Nguluvi. 16 Baho Yohani avalongie vonda, "Nene ndikuvabatisa kwa malenga, ila ikwacha mwene yeagehe na umwimike kuchumba nene. Nene sendiidikilwa hata kuwopola ndegei cha mikobasi gyake. Uyo akuvabatisa kwa Muhe va Nguluvi na kwa lyoto. 17 Mwene ana luhelo mumawoko gyake, neke apetele mpunga na kuivika mulusanja lyake na inyanya miyeyela mulyoto weseuchima."

18 Kwa makanyo myongofu chingi Yohani avadalikie vanu Njowo Nofu. 19 Pambele Yohani amlakie Ng'achale Helode, kwakuva akamnyagile Helodia mdala va lukololo vake na kumgita mdala vake, pamwinga na mawofu gyonda gyeagitile Helode. 20 Baho, Helode akalutiche uwofu kwa kumvika Yohani mukiwopo.

21 Vanu vonda pevamalilwe kubatiswa na Yesu akabatiswa. Na peakali ekumsuka Nguluvi, luhano chikadindwike, 22 na Muhe va Nguluvi akamwikile muuwombo ngita ng'unda. Lichwi yapulikike kuhuma ku luhano: "Veve ndive Mwana vangu ndikukeliye, ndikelilwe na veve."

23 Yesu peavangile kasi lyake, akali na myaka selasini na vanu vakahochile mwene nde mwana va Yusufu, Yusufu akali mwana va Heli. 24 Heli akali mwana va Masati, yeali mwana va Lawi na mwene akali mwana va Meliki na mwene akali mwana va Yanai na mwene akali mwana va Yusufu, 25 Yusufu akali mwana va Matatia na mwene akali mwana va Amosi na Amosi akali mwana va Nahumu na Nahumu akali mwana va Esili na Esili akali mwana va Nagai, 26 Nagai akali mwana va Maati na Maati akali mwana va Matatia na Matatia akali mwana va Semeini na Semeini akali mwana va Yoseki na Yoseki akali mwana va Yoda 27 Yoda akali mwana va Yohanani na Yohanani akali mwana va Lesa na Lesa akali mwana va Selubabeli na Selubabeli akali mwana va Setieli na Setieli akali mwana va Neli, 28 na Neli akali mwana va Meleki na Meleki akali mwana va Adi na Adi akali mwana va Kosamu na Kosamu akali mwana va Elimadamu na Elimadamu mwana va Eli, 29 na Eli akali mwana va Yoshua na Yoshua akali mwana va Eliezeli na Eliezeli akali mwana va Yolimu na Yolimu akali mwana va Matati na Matati akali mwana va Lawi, 30 Lawi akali mwana va Simeoni na Simeoni akali mwana va Yuda na Yuda akali mwana va Yusufu na Yusufu akali mwana va Yonamu na Yonamu akali mwana va Eliakimu, 31 na Eliakimu akali mwana va Melea na Melea akali mwana va Mena na Mena akali mwana va Matata na Matata akali mwana va Natani na Natani akali mwana va Dawudi, 32 Dawudi akali mwana va Yese na Yese akali mwana va Obedi na Obedi akali mwana va Boazi na Boasi akali mwana va Salimoni na Salimoni akali mwana va Nashoni, 33 Nashoni akali mwana va Aminadabu na Aminadabu akali mwana va Adimini na Adimini akali mwana va Alini na Alini akali mwana va Hesiloni na Hesiloni akali mwana va Pelesi na Pelesi akali mwana va Yuda, 34 Yuda akali mwana va Yakobo na Yakobo akali mwana va Isaka na Isaka akali mwana va Ibulahimu na Ibulahimu akali mwana va Tela na Tela akali mwana va Naholi, 35 Naholi akali mwana va Selugi na Selugi akali mwana va Leu na Leu akali mwana va Pelegi na Pelegi akali mwana va Ebeli na Ebeli akali mwana va Sala, 36 Sala akali mwana va Kenani na Kenani akali mwana va Alifakasadi na Alifakasadi akali mwana va Shemu na Shemu akali mwana va Nuhu na Nuhu akali mwana va Lameki, 37 Lameki akali mwana va Metusela na Metusela akali mwana va Enoki na Enoki akali mwana va Yaledi na Yaledi akali mwana va Mahalaleli na Mahalaleli akali mwana va Kainani, 38 Kainani akali mwana va Enoshi na Enoshi akali mwana va Seti na Seti akali mwana va Adamu na Adamu akali mwana va Nguluvi.