1 ସଃବୁ ବିସୟାର୍‌ ଟିକ୍‌ ସଃମୟ୍‌ ଆଚେ ଆର୍‌ ଅଃଗାସ୍‌ ତଃଳେ ସଃବୁ ବିସୟାର୍‌ ଟିକ୍‌ ସଃମୟ୍‌ ଆଚେ; 2 ଜଃଲମ୍‌ ଅଃଉତା ସଃମୟ୍‌ ଆର୍‌ ମଃର୍ତା ସଃମୟ୍‌ ଆଚେ; ରହ୍‌ତା ସଃମୟ୍‌; ଜାୟ୍‌ରି ରହାଗଃଲି, ସେରିକେ ଜିକିହିଙ୍ଗ୍‌ତା ସଃମୟ୍‌ ଆଚେ; 3 ମଃର୍ନେ ମାର୍ତା ସଃମୟ୍‌ ଆର୍‌ ସୁସ୍ତ୍‌କଃର୍ତା ସଃମୟ୍‌; ବାଙ୍ଗ୍‌ତା ସଃମୟ୍‌ ଆର୍‌ ହାଜ୍‌ତା ସଃମୟ୍‌ ଆଚେ, 4 କାନ୍ଦ୍‌ତା ସଃମୟ୍‌ ଆର୍‌ ନିଚଳ୍‌ତା ସଃମୟ୍‌; ଦୁକ୍‌ କଃର୍ତା ସଃମୟ୍‌ ଆର୍‌ ନାଚ୍‌ତା ସଃମୟ୍‌; 5 ଟେଳା ହଃବ୍‌ଳାଉତା ସଃମୟ୍‌ ଆର୍‌ ଟେଳା ଅରାଉତା ସଃମୟ୍‌; ହଃଟଳ୍‌ତା ସଃମୟ୍‌ ଆର୍‌ ହଃଟଳ୍‌ତା ଟାଣୁ ଦୁରିକ୍‌ରେତା ସଃମୟ୍‌, 6 କଜ୍‌ତା ସଃମୟ୍‌ ଆର୍‌ ଆଜାଉତା ସଃମୟ୍‌; ସଃଙ୍ଗାଉତା ସଃମୟ୍‌ ଆର୍‌ ହଃବ୍‌ଳାଉତା ସଃମୟ୍‌; 7 ଚିର୍‌ତା ସଃମୟ୍‌ ଆର୍‌ ସିଲାଇ କଃର୍ତା ସଃମୟ୍‌; ଚିମ୍‌ରା ରେତା ସଃମୟ୍‌ ଆର୍‌ କଃତାକଃଉତା ସଃମୟ୍‌; 8 ଲାଡ୍‌ କଃର୍ତା ସଃମୟ୍‌ ଆର୍‌ ଗିଣ୍‌କଃର୍ତା ସଃମୟ୍‌; ଜୁଜାର୍‌ ସଃମୟ୍‌ ଆର୍‌ ସାନ୍ତିର୍‌ ସଃମୟ୍‌ ଆଚେ।