Atos 16

Bulus mba Sila rimi tra tre nji

16 Ivi ri ki ran hi bubu bre Izhi, ki ka to vɨra ko riwa a he ri bɨzhi riwa ari ya tsu, a ran ngɨzhi fe kyawa ki gbu ran no nji riko wan ritu ya tsu-a. 17 Ka ran hu Sila, nga Bulus, ka ran kpa gro ran ran tre ri,<< Nji wa nyi wa he wa ndu Izhi riwa wa gbresan wan nye, wa la yi nkon riwa ari kpa yi chuwo.>> 18 A ran ti ngamba rivi-rivi, Bulus ka ti fu bran, ran tre ri bɨzhi, <<Me la wu rimi nde Yeso kristo, ka-u chuwo! >> Mba ka kawu chuwo gbagbla.

19 Wa nji wawa wa he ri tsɨren vɨra ri komba riwa wa fe nkon nkɨren zu riwo wan a ka wari vu wa Bulus mba Sila, wari vu wa hi ri nyu ri chu kusi wa bla tre. 20 Wa ngɨzhii wa ye kusi wa bla tre wa ri tre, <<Nji wa nyin wa he nji Yahuda, wa kpa gbu mbu ri ti me. 21 Wa tsro ta bibi ti riwa a ran bi riwa ki kpa ko ki hu ran, riwa kita ki he nji Yahuda nye. >>

22 Imba ikpa nji wa ka zhu wa wu, wari tsi Bulus mba Sila, wa bla tre wa ka tre i no wa zhu tsro mba wari tsi wa. 23 Riwa wa ka tsi wa, wa ka yo wa ri tra wa tre, wa la wa tre no yo wa rimin tra tre. 24 Riwa a kpa tre ri de senkpa ran kawa sro ri mimmi tra ri trenji, ran lowa ri mkpon kron ri kpre.

25 Ri tsutsu chu Bulus mba Sila wa ran ibrewari ran chuse ri gbre nde Izhi, wawa wa tre wa waka ran sɨren ton ri wa. 26 Ri kari meme ka chu ka hu nchi tra riwa wa trenji ngawen ka chu. Mba nkon tra wan wa ka bu nga che wawa wa tre wa waka su. 27 Wa nji wa gben wa tre ka shime, ran to nkon tra riwa wa tre nji wa kaki ri huwo, ka chu nji mgban wan, ran ran wa ran wuu ngawan, a yonga wawa wa tre wa wa wurutsu. 28 Ama Bulus ka kpa gro, <<Ran wuu ngawen ran, ki he wawu mbu!>>

29 Nji riwa a riya wawa wa tre wa ka yo wuru, ran gra ran joku kusi wa Bulus mba Sila. 30 Imba ka ngɨzhi wa ye ra ran miyen wa,<< Biyi wa rinkon, me tise ko me ri fe jɨwu?>>

31 Wawa waka tre, <<Kpa nyɨme ri Bachi Yeso, wu jɨwu biyi wa wako wen.>> 32 Imba wa Bulus mba Sila waka la wu tre Bachi wawu ri wa ko wawu. 33 Ri chu mba nji ri ya wa tre nji ka vu wa zhu ra ran ngɨla kpan njon mba; imba wa wu ri nji wa ko wan wa son wa ri ima. 34 Nji riwa ari ya wawa wa tre wa ka ngɨzhi wa ye ko wan ran no wa la, ka ngɨri bran ritu riwa wa a kpa ŋyme ri Izhi riwa nji wa ko wan wawu.

35 Riwa mibrea kpan, rinkon wa lo nji ka ti mirindu wan ri gbengbren wan ran tre:<<Juu nji wa mba chuwo.>> 36 Nji ri ya wa tre nji ka la Bulus, << A wu nga Sila iri ki si yi chuwo. Zizan hi ngambi. Hi ri si sron.>>

37 Ama Bulus ka tre ri mirindu nji ri bla tre:>> Wa tsi ta ri si kpa nji, wana ŋɨma ta ran ko riwa ki he Romawa bi ri yo ta ri tra tre! Zizan wa wa wari ka ta chuwo ri yayibi? Tsede nowa ye kyumba wa ri zhu ri ta.>>

38 Imba mirindu nji ri bla tre waka la nji ri ko mba tre-a, riwa wa wo ri Bulus mba Sila wa he Romawa, waka ti sisɨri. 39 Imba imrirko nji ri bla tre waka hi wari ka bre wa wari zhu riwa rimi tra tre nji wari tre inowa ka gbu don. 40 Riwa Bulus nga Silas wa zhu ri tra tre, wa ka hi ko Lidiya, wa ka to miri vayi mba wa ri nowa tre ri sen kpa. wari hi ngamba.