Atos 2

Tre Bitrus Chachu pentecos

14 Imba Bitrus a wulunde ri ngbron mirindu wurudon ri ran tre gbangban ri kpanji, ran tre, <<Biyi mirivayi won nji Yahuda nga wawu wawa wa ki rimi Urushelima, bi mɨlan rinyi ya, nga bi ri wo tre won. 15 Nji wanyi wana so hi ran, bibi riwa bi yo sron; 16 Rinyi nye a he kya riwa Izhi a tre hu nyu Yowel nji ri la tre Izhi:

17 << Izhi a tre, ri vi ri kre, me bwa Wu won ri ko ngan wa nji mbi wa dɨbu dindi tre won. Ngha mirinze mbi wa to kusi nga chanchon nji mbi wa rara.

18 Ko ri mirindu won, ri ronron ri mba, me bwa Wu won ri vi wan, nga wa la nyu Jii. 19 Me ti kya ri de sisri ri shu-shuwulu nga kya wa wulu siron ri ngbungbɨlu meme, iyi nga wulu nga ntsenkpawulu. 20 iji ri kɨma ti bu nga iwua ri kɨma ti yi ko ivi ri gra nga vi ri nkpen riwa Bachi no ye. 21 Ama ko ngan riwa a yo nde Bachi ari nawo.>

22 <<Wo tre nyi: Miri vayi mbu wa Israila, Yeso ri Nazareae nji riwa senkpa Izhi a tsro nde riyi ri kyawa wa sisiri nga kya wa nzu sron riwa Izhi a ti riwu, biyi kyumbi bi to rinyi, ritu a ti rimi mbi. 23 Nji nyi wa ka de ri mɨlanto ya wa Jii, bi kpanwu ri konkron ri wo nji riwa wana to Jii ran. 24 Ama nji a no tashɨme, ran kpa chuwo rimi gbengbren kuu, ritu a ran he riwa ikuu riya ngɨzhi wu ri gbengbren wan ran. 25 Doda a tre ritu wan,<<<Me to Bachi bla vi ritu kusi won ritu a he kuwo ri won ritu me ran ti sisiri ran. 26 Ritu ngamba isiron won a ngɨri nga liwen won ngawen a ran ngɨri; ikpa won ngawen ri son ri yo sron, 27 Ritu wu ran ka sron won ri bubu wa kuu ran, ko wuri no wa tsitsri wen nowa gla ri bubu gyuru ran. 28 Wu no wen me to tu sron; wu ye rɨme wuri no wen kinklan sron.> 29 <<Miri vayi, me la yi ri senkpa ritu ititimbu Doda, riwa a kuu waka ban wu no yɨwi, nga bubu gyuru wan he ri ta ye luwa. 30 Ama a he wa ndu Jii, nga a to ri Iji a la nyu ri wu: Iji a shiji ran tre wu ri wawu ri chu nji ri rimi gran wa Doda no he Chu, bibi wa Doda. 31 Riwa Doda a to ikya riwa Iji ri ti ri kusi, imba ran tre ritu tashɨme Bachi ri bubu gyuru riwa a tre: <Wa ran kau don ri bubu wa kuu ran; ikpa wan ran gla ri bubu gyuru ran. 32 Iji a ta Yeso shɨme ri kuu, kita wawu mbu ki he sheda wan. 33 Yeso a son kuwo ri riwa Jii, Iti wan, nga ran kpa Iyu Tsitsri riwu, bibi riwa a la nyu riwu. Ikya riwa bi to bi ri wo zizan a he ide wan riwa a ka bwa sro ri ta. 34 Aran he Doda nye a hon ri shuwulu ran; tsede a tre: Kuson ri kuwo ri won 35 tse me no kpan fu wen no wa he kpanchi ri sro za wen.>> 36 <<Wawu mbi nji Israila, a he riwa bi to ri Yeso nyi, riwa wa kpan wu ri tu konkron-a, wawu nye he Bachi, nga Kristo!>> 37 Riwa nji wa wo rinyi, wa yi ri sron mba wa ri tre ri Bitrus nga ngbɨron mirindu Jii, << Imiri vayi ngye ki ti?>> 38 Bitrus ka la wa<<Ko ngan rimi mbi no ka meme ti chuwo wari son yi tu ri ima rimi nde Yeso Kristo, bibi riwa wa ka meme ti mbi chuwo ri yi; nga bi kpa Ide riwa Jii, Iyu Tsitsri. 39 Ritu ila nyu Jii a he ri yi ri wa miri mbi, nga wawa wa he kpata wawu wawa Bachi Jii yo wa ye ri ngawan.>> 40 Imba Bitrus ka la wa tre kigbu, ran ŋŋron wa, ran tre,<<Kpa ngambi chuwo ri de ya riwa ari ye ri wa meme ti!>> 41 Wawa wa kpanyɨme ri tre wan wa sonwatu ima, nga nji wawa wake ngo tra wa sro ngan ri wa ri chachu wan.