Marcos 8

Yeso a no nji ngo nza ri

1 Chachu ri, ijɨbu nji wa bru ye kabrutu. Riwa wa ran he ri kya riwa wa ri ran, Yeso ka yo miri ndu wan ran la wa ri, 2 <<Me losron ri nji wanyi ivi ri tra luwa wa he ri me nga wa ran he ri kya riwa wa ri ran. 3 Ka me no wa hi ngamba ri yon, wari mba wa joku ri nkon ritu wari mba wa zhu ri nkon kpata.>>

4 Imiri ndu wan waka nyɨme wari tre ri,<<Ri tsutsu ji nyi ki fe ri ri minyi riwa ari ke jɨbu nji wanyi?>>

5 Yeso ka miyen wa ri<<Bi he ri jujuyɨmo bren waka tre ri.>>

<<Ngbɨre tangban.>>

6 Yeso ka la jɨbu nji-a ri no wa kuki ri meme. Ka ban jujuyɨmo tangban-a ran ndzu ban shu ran ngɨri ri Izhi, ran fran ga miri ndu wan waka kpa ran ga nji nga waka ga nji wawu. 7 Wa he ri vi lambe tsawen, ka ngɨri ri Izhi ritu lambe-a ngawen ran tre no wa ka ga nji. 8 Ko ngaa ka ri ran hwɨshi nga miri ndu Yeso wa tan zhuzhu wan riwa wa kadon ka shu rimi sisen tangban. 9 Inji wawa wa ri ri-a wa he ngo nza nga ka no wa hi ngamba,