Mateus 14

Yeso a Dzren ritu Nchon ima.

22 Ka no miriko wan waka gra rimi nvu ima wari rugran ri ko wawu ka no kpanji waka hi ngamba. 23 Kugon riwa a chu wa wo na ka hon ritu tita wawu nkankɨshi wan don ran bre Izhi. Hari yawulu ka he ri bubu wan nkankɨshi wan, 24 Ama nghɨma ka he ri tsutsu ima, ama kana shi ritu riwa ngungu a ran tru ran hi kusi wan.

25 Ri bu mbre Yeso ka wulunde zren ritu ima riwa ari fe miriko wan.

26 Riwa imiriko wan wa to a ran zɨren ritu ima, wa tre ri,<<A he bɨzhi nye>>Wari kpagɨro ritu sisiri.

27 Imba meron Yeso ka tre riwa,<<Ba kya! A he ame. Ran ti sisiri ran yi.>>

28 Imba Bitrus ka kpanyɨme ran tre ,<<Bachi, inde a he a wu nye, to wuka nowen me ye riwu ritu ima.

29 Ka tre , <<ye,<<Imba Bitrus ka zhu rimi nvu ima , ran zɨren ritu ima hi ri Yeso. 30 Ama riwa a to ka ngungu senkpa ran ti sisiri riwa a ran yibi tu ri ima ran kpagɨro, ran tre ,<<A wu Bachi, kpawenchuwo!>>

31 Ri bubu wan Yeso ka nɨme wo ran vu, ran lawu ri,<<A wu ri fifi yosron, ritu ngye ti wu ran nyime rɨme ran?>>

32 Riwa wa gra rimi nvuima-a, ngungu ka ran gbla kri. 33 Wawa wa he rimi nvu ima waka kɨbu ngbazhu ri wu, ran tre, A wu wu he vren Izhi kpunji.>>