Mateus 5

Ingiri Ri Kpunji

3 <<Dindi wan ri ran hu wawa wato iku nyɨren mba rimi Yuu;

ritu kpanchison ri shu ri he wamba!

4 <<Dindi wan rina hu wawa wa he ri shnji sron;

ritu Izhi ri no wa sisron!

5 <<Dindi ri ran hu wawa wa ka ngamba yo hwiri;

wa fe kya riwa Izhi ka dzi ri wa!

6 <<Dindi ri ran hu wawa wati nbiye ti ndindi ti;

ritu wa han wa kya riwa isron mba ri wa!

7 <<Dindi wan ri ran hu wawa wa lo sron ri wari;

ritu wa lo wari sron ngawen!

8 <<Dindi wan rina hu wa tsitsri ri sron;

ritu wa wato Izhi!

9 <<Dindi wan ri ran hu wawa wa ka sron kabru;

ritu wa yo wa ri imiri Izhi!

10 <<Dindi wan rina hu wawa wa so yaa rimi ti dindi ti ritu Izhi;

ritu Kpanchison ri shu ri he wamba!

11 <<Dindi wan rina hu yi inde nji wa kra yi tu, wati yi yaa, wari tiyi ko meme ti bibi tan ri tuwon. 12 Ti kinklan sron bi ri to ro wan bran bran ritu ife mbi ri kigbu rishu mu, ritu bibi mba nye wati wa la tre Izhi wawa wa gbuchi ri yi.