Neemias 2

Nehemiya kangukagula ng’hanzi za Yelusalemu

11 Nanduta ako Yelusalemu na kikala ako kwa mazuwa kadatu, 12 hamba nambuka nechilo hamwe na wanhu wachefu. Simlonjele munhu yoneche gala gawele Nguluwi nayali yagawichile mnhumbula mwa heni kwa chiwalo cha muji wa Yelusalemu. Nakwali na igongolo limwe hela, liwele nandali ng’winile. 13 Nandawa mgati nechilo ndikolela kuli Lwizi lwa Kibindi, kulutila kuli Ideho lya Izoka na kuli Lwizi lwa Mboto, nandizikagula ng’hanzi za muji wa Yelusalemu ziwele nazali zibomoligwe na lwizi jake jiwele najali jilakazwe. 14 Hamba, nanduta mbaka kuli lwizi lwa Nzasa na kuli Izimbo lya Mndewa. Ila hakuwele na honhu ha kuhega kwa chiwalo cha igongolo lya heni kukola, 15 ahyo nanduta kuli ibindi nechilo yila kuno ndikagula lukanzi. Hamba nanyhiluka na kwinjila kahi kwa kukolela Lwizi lwa Kibindi.

16 Vilongozi hawavizelele honhu hawele nanduta ne choni chonditile kwa vila nandali siwalonjele Wayahudi ne watambika ne vilongozi ne wang’hangala ne wala wanhu wawele wokola mijito ja kuuzenga kahi wula muji.