ጽሎተ ኦግያ
1 ቢታ ባዙነ መላ ቢታይ ናሸታና፤ መላ ቢታይ ናሸቻ ፖጩ ጊደ፥ ጪሻ ጪሻና። 2 እ ዳሮፐ ጪሻና፤ ፖጩ ጊደ ናሸቻን የጻና። ሊባኖሳ ቦንቹነ ቃርመሎሳነ ሳሮና ግታተይ እመታና፤ ኡንቱንቱ መና ጎዳ ቦንቹዋነ ኑ ጾሳ ግታተ በአና።
3 ዳቡሬዳ ኩሸቱዋነ አርጋጬዳ ጉልባታ ምንተ።35:3 እብራ. 12:12 4 ዎዛናን ያሻይ ደእያዋንታ፥ "ምንተ! ያዮፕተ! ሄኮ፥ ህንተ ጾሳይ ሀሉዋ ከሳናዉነ ባረ ጾሳተን ኡንቱንታ ሙራናዉ ያና፤ እ ህንተና አሻና" ያግተ።
5 ሄ ዎደ፥ ቆቀቱዋ አይፊ ዶየታና፤35:5-6 ማቶሳ 11:5፤ ሉቃሳ 7:22 ቱለቱዋ ሀይይካ ስሳና። 6 ዎባቱዋ ገንእያዳን ጉፓና፤ ዱደቱካ ናሸቻን የጻና፤ ባዙዋን ሃይ መሎሳን ፑልቱ ቃና። 7 ጹግያ ሻፊ ዳጋቴዳ ሃ ግዳናዋ፤ መላ ቢታይ ሃ ፑልታና፤ ዎራካናቱ አላጽያሳን ማታይ ማቃይነ ጫሪ ዶላና።
8 ያን አኮ ኦጊ ደአና፤ እካ ጌሻተ ኦግያ ጌተታና። ጌሻ ግደናዋንቱ ሄ ኦግያና አክኖ። ሽን እ ጌሻቱዋሳ ግዳናዋ፤ ኢታ ኤያቱ አን ስመረትክኖ። 9 ያን ጋሙ ደኤና፤ ያሽያ ዶአቱካ ሄዋና አክኖ፤ ያንካ ቤትክኖ፤ ሽን ዎዘቴዳዋንቱ ጻላላይ ሀመታና። 10 መና ጎዳይ ዎዜዳዋንቱ ስማና፤ የጺድ፥ ጽዮነ ያና፤ መና ናሸቻይ ኡንቱንቱ ሁጲያን ዎና። ኡንቱንቱ ናሸቻነ ሀሹ ግያዋ ደማና፤ ካዩነ ኦሊ ዎራ ባቃታና።