1 ኑን ኦዴዳዋ ኦን አማኔዴ? መና ጎዳይ ባረ ዎልቃ ኦና በሴዴ?53:1 ዮሃ. 12:38፤ ሮመ 10:16 2 እ አ ስንን መላ ጋድያን ደእያ ዱሩማፐ ጻጱዋ የዲደ፥ አጭያ ያላጋ አጫዳን ድጬዳ። ኑን አ ሎይ ጼላናዉ፥ አዉ ማላይ ዎይ ፑላይ ባዋ፤ ኑን አኮ ሺቃናዉ አዉ ፑል ባዋ። 3 እ አሳን ካቴዳነ እጸቴዳ፤ እ ሀርግያፐነ መቱዋፐ ሻከት ኤረና ካዮትያ አሳ ግዴዳ። እ አሳይ አ በአናፐ ጊደ፥ ባረ ሶምኡዋ ዎራ ዛርያ አሳዳን ካቴዳ፤ ኑንካ አ ቦንችበይኮ።
4 እ ቱሙ ኑ ሀርግያ ባረዉ አኬዳ፤53:4 ማቶሳ 8:17 ቃይ ኑ ካዩዋካ ቶኬዳ። ሽን አ ጋኬዳ መቱ፥ ደሸይነ ዋዪ ጾሳፐ አዉ ዬዳዋ ጊደ ኑን ቆፔዶ። 5 ሽን እ ኑ ባይዙዋ ድራዉ፥ ጫደቲደ ማዱንጼዳ፤53:5 1 ጰጽ. 2:24 ኑ ናጋራ ድራዉካ ሾጨቲደ ሊቄዳ። እ ሙረቴዳዋን፥ ኑን ሳሩዋ ደሜዶ፤ አ ማዱን ኑን ፓጼዶ።
1 Nuuni odeeddawaa ooni ammaneeddee? Med’inaa Goday bare wolk’k’aa oona besseedee?53:1 Yoh. 12:38; Rom. 10:16 2 I Aa sintsan mela gadiyaan de’iyaa durumaappe s’ap’uwaa yeddiide, aac’iya yalaga aac’aadan dic’c’eedda. Nuuni Aa loytsi s’eellanaw, aw malay woy puulay baawa; nuuni aakko shiik’anaw aw puuli baawa. 3 I asan kad’etteeddanne is’s’etteedda; I harggiyaappenne metuwaappe shaaketti erenna kayyottiyaa asaa gideedda. I Asay Aa be’anaappe giide, bare som"uwaa wora zaariyaa asaadan kad’etteedda; nuunikka Aa bonchchibeykko.
4 I tumu nu harggiyaa barew akkeedda;53:4 Mat. 8:17 k’ay nu kayyuwaakka tookkeedda. Shin Aa gakkeedda metuu, deshetsayinne waayii S’oossaappe aw yeeddawaa giide nuuni k’oppeeddo. 5 Shin I nu bayzzuwaa diraw, c’adettiide maduns’s’eedda;53:5 1 P’es'. 2:24 nu nagaraa dirawukka shoc’ettiide liik’eedda. I muretteeddawaan, nuuni saruwaa demmeeddo; Aa madutsan nuuni pas’eeddo.
+581 estão orando agora.
Junte-se à corrente de oração.