4 እ ቱሙ ኑ ሀርግያ ባረዉ አኬዳ፤53:4 ማቶሳ 8:17 ቃይ ኑ ካዩዋካ ቶኬዳ። ሽን አ ጋኬዳ መቱ፥ ደሸይነ ዋዪ ጾሳፐ አዉ ዬዳዋ ጊደ ኑን ቆፔዶ። 5 ሽን እ ኑ ባይዙዋ ድራዉ፥ ጫደቲደ ማዱንጼዳ፤53:5 1 ጰጽ. 2:24 ኑ ናጋራ ድራዉካ ሾጨቲደ ሊቄዳ። እ ሙረቴዳዋን፥ ኑን ሳሩዋ ደሜዶ፤ አ ማዱን ኑን ፓጼዶ። 6 ኑን ኡባይ ኦግያ ባሌዳ ዶርሳቱዋዳን ዎራ ቤዶ፤53:6 1 ጰጽ. 2:25 ኑን ኡባይካ ኑ ኦግያዉ ኦግያዉ ስሜዳ። መና ጎዳይ ኑ ኡባይ ናቄዳ ናቁዋ አ ቦላ ዎዳ።
11 አ ሸምፑ ዋየቴዳዋፐ ጉይያን፥ እ ደኡዋ ፖኡዋ በአና፤ ናሸታና። ታ ጽሎ ቆማይ ባረ ኤራተን ዳሮቱዋ ጽልሳና፤ ኡንቱንቱ ባይዙዋካ ቶካና። 12 ሄዋ ድራዉ፥ ዎልቃማ አሳቱ ግዱዋን ታን አዉ ቦንቾ ሳኣ ሻካደ እማና፤53:12 ማር. 15:28፤ ሉቃሳ 22:37 ቃይ ምኖቱዋና እ ኦሞዱዋ ሻካና። አያዉ ጎፐ፥ እ ባረ ሸምፑዋ ሀይቆ አደ እሜዳ፤ ያቲደ ባይዛንቻቱዋና ፓይደቴዳ። ግዶፐነ፥ እ ዳሮ አሳ ናጋራ ቶኬዳ፤ ባይዛንቻቶካ ጋናቴዳ።