ኦራ መታ
17 ጾሳይ ሀዋዳን ያጌ፤ "በእተ፥ ታን ኦራ ሳሎቱዋነ ኦራ ሳኣ መይ፤ ካሰባይ ኡባይ ሀሳየተናነ ቆፈተና።65:17 ኢሳ. 66:22፤ 2 ጰጽ. 3:13፤ ሳፃ 21:1 18 ሽን ታን መያባን መናዉ ናሸትተነ ሀሹ ጊተ። አያዉ ጎፐ፥ ታን መዳ የሩሳላማ ናሸቻን ኩሜዳኖ ግዳና፤ የሩሳላመ አስካ ሀሹተነ ግያዋ ግዳና። 19 ታን የሩሳላመን ናሸታና፤ ታ አሳንካ ሀሹ ጋና። ሀዋፐ ስንናዉ ዬክያዋ ኮሻይነ ኡንኤቲደ ዋስያዋ ኮሻይ ያን ስሰተና።65:19 ሳፃ 21:4
20 "የሩሳላመ ግዶን ሀዋፐ ስንናዉ፥ ጉ ዎደ ጻላላ ደኢደ ሀይቂያ ቄር ናእ፥ ዎይ ባረ ላይ ዉርሰናን ሀይቂያ ጭማ አሳይ ደኤና። ጼቱ ላይና ሀይቂያ ኡራይ ዳሮ ያላጋን ሀይቄዳ ጌተታና፤ ጼቱ ላይ ጋናን ሀይቂያዌ ሼቀቴዳዋዳን ፓይደታና። 21 ሄ ዎደቱዋን አሳቱ ጎለቱዋ ኬጺደ፥ ኡንቱንቱን ደአና፤ ዎይንያ ቱራቱዋካ ቶኪደ፥ ኡንቱንቱ አይፍያ ማና። 22 ኡንቱንቱ ኬጽና፥ ሀራይ ደኤና፤ ሀራይ ማናዉ ቶክያዋ ቶክክኖ። ታ አሳ ላይይ ም ላይዳን አዱቃና፤ ቃይ ታን ዶሬዳዋንቱ ባረንቱ አዱሳ ዎድያዉ ባረንቱ ኩሽያ ኦሱዋን ናሸታና። 23 ኡንቱንቱ ጮ ዳቡርክኖ፤ ዎይ ናናቱዋ ቦሻዉ የልክኖ፤ አያዉ ጎፐ፥ ኡንቱንቱ ባረንቱ ናናቱዋናካ መና ጎዳን አንጀቴዳ ዘረ ግዳናዋ። 24 ኡንቱንቱ ታና ጼሳናፐ ካሰታደ ታን ኡንቱንቶ ኮያና፤ ቃይ ኡንቱንቱ ብሮ ሃሳይሽን፥ ታን ኡንቱንታ ስሳና። 25 ኦኮሩነ ዶርሳ ማራይ እትፐ ሄመታና፤ ጋሙካ ቦራዳን፥ ኡቱላ ማና። ቃይ ሾሻዉ ባናይ ቁማ ግዳናዋ። ሄ ዎደቱዋን ታ ጌሻ ደርያን ኡባን፥ ኡንቱንቱ ቆሄትክኖነ ባይክኖ። ታን መና ጎዳይ ሀዋ ኦዳይ" ያጌ።65:25 ኢሳ. 11:6-9