ኢስያሳ 9:1-6

Em outras traduções

1. DFBLVL Geeshsha Mas'aafaa

   1 Gidooppenne, waayetteeddawanttoo hawaappe sintsaw d’umenna.✝9:1 Mat. 4:15 Beni wode S’oossay Zaabiloona biittaanne Nifttaaleema gadiyaa kawushsheedda; shin sintsaappe he Meediteraane Abbaa ogiyaan de’iyaa biittaanne Yorddaanoosa Shaafaappe hefintsa baggan de’iyaa «Ayihuda gidenna Asay de’iyaa Galiilaa» giyaa gadiyaa I bonchchana.

   2 D’uman hametiyaa Asay wolk’k’aama poo’uwaa be’eedda;✝9:2 Mat. 4:16; Luk'. 1:79 k’ay bara d’uma gadiyaan de’iyaawanttoo poo’uu poo’eedda.

   3 Neeni kawutetsaa asaa darissaadda; unttunttoo nashshechchaa gujjaadda; Asay katsaa c’akkiyaa wode nashettiyaawaadan, woy omooduwaa gishiide akkiyaa wode nashettiyaawaadan, ne sintsan nashettana. 4 Ayaw gooppe, neeni Midiyaama gadiyaa s’ooneedda gallassaadan, unttuntta dees’iyaa morgge mitsaa, unttunttu hashiyaa morgge mitsaanne unttuntta naak’k’iyaawanttu s’am"aa mentsereetsaadda. 5 Woraajjiyaa olanchchatuwaa c’aammaynne suutsan munak’etteedda mayuu ubbay taman eetsiyaabaa gidanawaa. 6 Na’ay nuw yeletteedda! Attuma na’i nuw imetteedda! Kawutetsay Aa hashiyaan wod’d’ana; Aa suntsay, «Maalalissiyaa Zoriyaawaa, Wolk’k’aama S’oossaa, Med’inaa Aawuwaa, Sarotetsaa Kaappuwaa» geetettana.