2 Coríntios 1

De Gott von aulem Troost

3 Jeloft es de Gott un Voda von ons Har Jesus Christus, de Voda von Erboarmungen un Gott von aulem Troost, 4 dee ons treest en aul onse Triebsaul, daut wie uk dee treesten kjennen, dee en irjent Triebsaul sent, met däm Troost, met däm wie selfst jetreest woaren von Gott. 5 Wiels soo aus Christus siene Lieden en ons rikjlich sent, soo es uk derch Christus ons Troost rikjlich. 6 Oba wan wie bedrenjt woaren, es daut fa junen Troost un Radunk, dee bewirkjt*1:6 Ooda: wirkjsom. woat em Derchhoolen en deeselwje Lieden, dee uk wie lieden. Ooda wan wie jetreest woaren, es et fa junen Troost un Radunk. 7 Un onse Hopninj to junt steit faust un weeten, daut jrod soo aus jie Deelnäma sent aun de Lieden, soo uk aun däm Troost.