16 un Ekj well dän Voda bedden, un dee woat junt eenen aundren Treesta14:16 Ooda: Veträda. jäwen, daut dee eewich bie junt bliewen woat; 17 dän Jeist von de Woarheit, dän de Welt nich kjrieen kaun, wiels dee Am nich sitt uk nich kjant; jie oba kjanen Am, wiels Hee blift bie junt un woat en junt sennen. 18 Ekj woa junt nich aus Weisen loten; Ekj kom no junt. 19 Noch een kjlienet Stootje, un de Welt sitt Mie nich mea; jie oba seenen Mie; wiels Ekj läw, sell jie uk läwen. 20 Aun däm Dach woa jie erkjanen, daut Ekj en mienem Voda sie un jie en Mie un Ekj en junt. 21 Wäa miene Jebooten haft un helt dee, dee es daut, dee Mie leeft; wäa oba Mie leeft, woat von mienem Voda jeleeft woaren, un Ekj woa am leewen un Mie selfst to am openboaren.
22 Dan sajcht to Am Judas, nich Iskariot: Har, woo es daut, daut Du Die to ons openboaren west un nich to de Welt? 23 Jesus auntwuad un säd to am: Wan irjentwäa Mie leeft, dan woat hee mien Wuat14:23 Ooda: miene Lia. hoolen; un mien Voda woat am leewen, un Wie woaren no am komen un Woninj bie am moaken. 24 Wäa Mie nich leeft, dee helt miene Wieed nich; un daut Wuat, waut jie hieren, es nich mient, oba däm Voda sient, dee Mie jeschekjt haft.
25 Dit hab Ekj to junt jerät, wäarent Ekj bie junt wia. 26 Oba de Treesta, de Heilja Jeist, dän de Voda en mienem Nomen schekjen woat, dee woat junt aules lieren un junt aun aules erinren, waut Ekj junt jesajcht hab.
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)