53 Ɔzhizɔsi a za mba tee, <<Mi so yi ongbulolo: onzu gba e kwu ivye iyi ɛnwu mi Umɛ uwu Onzu akwɛyi e wo ɛnzhi mi mo, e yi kwunyɔ mo. 54 Onzu uwunawuna uwu bɔkɔ e kwu ɛnwu mi ba e wo ɛnzhi mi mo e yi kwunyɔ, akwɛyi mii yi wu mo ɔnu wu imbwama. 55 Moo ɛnwu mi gba akwu kiya ingyirimo ngboro le ɛnzhi mi gba ba o gbo yi ugbembi mo ngboro le. 56 Onzu uwunawuna uwu bɔkɔ e kwu ɛnwu mi ba e wo ɛnzhi mi a ŋɔ mɛmi mi, Imi ba mii ŋɔ mɛmi wu. 57 Mate Ada uwu bɔkɔ e yi la reyi a lɔ mi ma ba mi yi reyi kwuwo wu awu, tatayi gba onzu uwu bɔkɔ e kwu ɛnwu mi ee yi kwunyɔ kwuwo mi le. 58 Imi gba mi kwu kiya ingyirimo ingyi bɔkɔ ki wɔ moshi le. Umbasɔku yi o ri omana ba o kpomo, onzu uwunawuna uwu bɔkɔ e ri kiya ingyirimo ngyɛlɛ e yi kwunyɔ ungwɔkpɔ.>>