Shimi’a Moyanjo Daawwiti’i Yowwe
5 Moyaanji Daawwiti Baahuriim geyee wodda, Sa’oolike mini hado kadeeki mitti manji dage; isinna Geerake belto Saamiten; isinna isoo badina’ni gadhi’a fule. 7 Saaminna hiyye yowwaamma qici, «Ati manjo anga saxxeetek manji; ati fuggaaleessi manji; fuli, amo fuli kabaa’ni!
10 Moyanji kinni «ha’no Tsuriyaxxi oose ha’noonna anee maachcho afensisaachchi? Duuchchi Woddik Gootti ‹Daawwiti’i yowwi› hiyye’naa anee isi yowwa’noole, ‹Tenne mayee assitete› hiyye ayyete isoo qora dande’a?» hiyye. 11 Ookkoneechchi uduma Daawwiti Abisa’ninna ja’laabuwwa ifike duuchcha’n hiyyee qici: «Ani i’lenegi belti anee shiyo’a hasa’neexxinni, kunni Biiniyaamichchi anee galaafateele mitte mambe’a assitaaxxi yaane hexxee? Mee hoyye Duuchchi Woddik Gootti iso’ni kulee’naaten waalle yowwun. 12 Dedha Duuchchi Woddik Gootti rakko anxa uudee kunni manjichchi anee yowwemmaxxa bakka eebbate ani’a assaan.»