17 Magenkinna tenne shoole dargageeyye’a duuchchinxe borroxxanna barachchoxxa ege’nannna qalbeeffachcho insa’ne’aa uwwe; Daani’eelinna duuchchiinxe waleellaxxanna iittanni oojjo tikatixxa uwwa afe’emman.

18 Isibaa dangaashsha moyanji muremmaxxi sase wogga muuxxendee wodda kolaasemeeke manniki sooressi insa’nee Nabukedentsoori edo shiqishe. 19 Moyanjinna insa’ne yaansise wodda insa’ne giddo Daani’eelishsha Hanaaniyashsha, Misa’eelishshanna Azaariyaa hedheekir hara afemebaan; tennexxee insa’ne moyanjokee ergatemate’ni ke’ne.