Cubbotixxe Garbummanaa’ni Leexa Fula
31 Yessuusinna iso’ni amaneemmaka Ayihuda’n hiyyee qici, «Ha’noo anxe barachcho’ni hexxinoole dhugaaten, ha’noo anxe hordofeeyyen. 32 Ookkonneechchi uduma ha’noo dhugaatanna egendinaan; dhugaatinna ha’noo leexa fulchitaan.» 33 Insa’nenna, «No’o Abirihaamixxe ilan; no’o ayyi’aanna garbake kande egenebe’non; yoona ati no’oo hitta ‹leexa fuldinaan› hitatto?» hineexxi hiissene haasonne.8:33 Mat. 3:9; Luq. 3:8.
39 Insa’nenna iso’n, «Anni no’ok Abirihaamiten» hineexxi hiisine haasonne. Yessuusinna insa’ne’n hiyyee qici, «Ha’no Abirihaamixxe ila kaddino’oole, sila Abirihaami hujeexxe hujjinamman. 41 Ha’noo assitina’neeki anni ha’nook assaammanxen.» Insa’nenna, «No’o yabaabullet ilemmennekebaan; no’oki Anninna mitte Mageno callan» hineexxi hiisine haasonne.
Daabiloosixxa Oose
42 Yessuusi insa’ne’n hiyyeexxi hiisse haaso’ee qici, «Mageni ha’nooke Anna kade’eele, ani Mageniibaa’ni dagennaxxee sila anee eetinamman; yaane kinni isi anee ergee’naa dagenne malee ani ifike uminni dagebe’non. 44 Ha’no anna ha’nooke dabiloosixxe oosen; ha’nooke annixxa halchanna muuxxino’a hassinaan. Isi sirendenaa’ninn anga sa’eeken: Dhugaa iso’ni hedha gophpheemmaxxee isi dhugaati welti mittooma afebaan; isi dharrichchakenna dhariinke anna kademmaxxee dhara haaso’aa wodda, isi haaso’aaxxi ifike umixxen.
59 Eettene yanna’ni insa’ne isoo cancanqo’a kino adhdhine; Yessuusi kinn insa’nenaa’ni miliqeexxi Woyyichchi Galmi giddii’ni fule me’e.