1 * 112:1 Guyei tanigaa zu, guyei laaɠulazuʋɛti tɔɔzeiʋɛ ga Eɓulu zɛʋɛ ɠae puufelegɔ maazu felegɔi gila, é zoloo ti-ɲɛkpɛ ʋelei ma. Ti laasei pɛɛʋɛ ga sɛʋɛ ɠae wuyeiti. À Ɠɔoɠɔ GALAGI maamusɛ!

Undaanɛ nu ɠa ga naama nui, nii é luazu Ɠɔoɠɔ GALAGI ʋa,

ta nɛɛbɛ vai ɠa é ga, é naa ná-deveiti so, é ziɛ la.

2 Mavofodai ɠa ɠɛ ga zɛbɛsu nu eteai zu.

Tuya ɠa ɠɛ telebo nui mavofodai ma.

3 Toɠa ɓɔɠɔ zɔlɔɔ, naavoloi ɠɛ ná-pɛlɛi wu,

ná-telebodai ɠa yɛsu ná ɠɔ.

4 Siɛgi zu fai pɛ suɓidizu la, wozakalagi ɠa ɗa ɠula sɔle nui ʋɛ.

Telebogɛ, nuɓɔɠɔai, é ga maawɔinɠaa nu.

5 Pagɛ ga nui nuɓɔɠɔlai ɠɛ, é kuyei ʋɛɛ,

é ɓɔɠɔ vaiti gaaɠula ba ga sɔledai.

6 Mazɔlɔɔ faa nɔpɛ ge la telebo nui ɲiikpiga eyɛsu pɛ,

nuiti ta ɠizɛ su eyɛsu ɠɔ.

7 É la luaa ziiɠoloɠolo kpɔɛ ɲɔiti ba.

Ziilɛiʋɛ, tɔɔzei poluzeiʋɛ Ɠɔoɠɔ GALAGI ʋa.

8 Zii la ɓalia, dualua ge la ziimaʋɛ.

Gaaɓelagi, toɠa sili nuiti koloɠolo pelei ɠa.

9 Toɠa ɗa faanɛɛi ɠɛ ga bɔɔlɔa maanɔɠɔ nuiti bɛ.

Ná-telebodai ɠa yɛsu ná ɠɔ,

tanɔ ɠa a ɗa la ná-zɛbɛi ta ná-lɛbiyai ma.

10 Faa ɲɔu ɠɛ nui a kaana, ziiɠaa ɠa ɗa wana,

é ɗa ɲiigai ziɛ ga, é ʋala ná-zobogi ma.

Faa ɲɔu ɠɛ nuiti ziimai ɠa ɠoloɠolo.