1 Davide ná-guyei. Siɛgi zu é ɠɛni la Zuda yooi zu teʋebai zu.

2 Ee, GALA, ɗa ga nà-GALAGI!

Nà è ɠaiziɛzu,

è wɔin ɠa zìi ma eɠɛ kpɔɔle wɔin,

kpùsɛi ɠa ɓalasu ga ɗa-vaa,

eɠɛ zou vɔɔi, ná vɔai, ziɛ la ná.

3 Zekana gè è ɠaazu la è-zeizu ɲadegai,

gè ɗa wɛlɛ è-zɛbɛi ta ɗa-lɛbiyai ʋa.

4 Mazɔlɔɔ ɗa-wooɠɛɠiladai vizɔgɛ zɛnvui ʋa,

dàkɔlɔgiti ta è maamusɛ.

5 Naa ɠa é ba, nà è mama sìi ma voloi pɛ su,

gè zèeiti tɛ geezu è-laaseigi zu.

6 Nà anii pɛ sɔlɔɔ é kula ɠɛ, eɠɛ ma wulɔi ta ma ɓɔlɔgi,

nà wooɠula ga koozunɛɛi, gè guyeiti too, gè è maamusɛ la.

7 Siɛgi zu kìgi loozu la è zu, dàazuʋɛ,

nà ɗa ɠigaiziɛ è zu kpidii ma yeeɠɛɠalai kpein su.

8 Mazɔlɔɔ ɗa ga nà-kpɔba nui,

nà guyei loozu ga koozunɛɛi, è-ɠoʋegiti ma niinigi wu.

9 Gìliʋɛ è ʋa ga zìimaʋɛ pɛ,

è-yeezai ɠa é ɓaazu màazu.

10 Kɛlɛ niiti wɔin ti ma ga ti zɛ̀nvui ɠoloɠolo,

naati ta yei zooi ma yeɠezaɠai ɓomaʋɛ.

11 Ta ti ʋaa ga boɠa zɔkpɔi,

ti ɠɛ ga koʋeiti daamianigi,