1 Guye loo ɠundiɠii nɔnɔi ʋe. Davide ná-guyei, é ɠɛ ga ɠizɛsui.

2 Ee, GALA, soma è ùnmɔɔ!

Ɠɔoɠɔ GALAGI, suvilɛ, è ɓɔ bà!

3 Unfegi ti maaɓɔle, ti wooi zupu,

tɛiti ti pɔ ti zɛ̀nvui ɠula zèa!

Ti li ga ʋoluʋelei, ti unfe,

tɛiti kpein ti wɔinɗai ga màanɔɠɔ!

4 Niiti ti ɲɛɛɠulazu nɔ̀un su,

ti ɠula ʋolu, ta-unfe kasɔi la ti unma!

5 Niiti dɔin ti è ɠaiziɛzu,

ti ɠaazuɠalakala, ti ɠoozunɛ è ʋɔ!

Niiti ɗa-ɠizo fai nɛai ti ʋɛ,

ti ɠɛ ma yeenɔpɛ: «Lɛbiyai ɠa GALA bɛ!»

6 Nɔ̀un nà, màanɔɠɔʋɛ, gè ɠɛ ga bala nu,

ee, GALA, ʋa kòba fala,

ɗa ga nà-kpɔba nui, ta ùnmɔɔ nui,

Ɠɔoɠɔ GALAGI, mina nɛkɛ!