1 Azafe ná-guyei.

GALA ná-tukpɔɠaaleʋezuʋɛ, GALA ka loni gala kiligiti saama,

é ɗa tukpɔi ɠaaleʋe.

2 É ɠɛ ma: «Wa yɛsu tukpɔi ɠaaleʋezu ga telebotalai, eyɛsu yeelɛ,

wo ɗa lo faa ɲɔu ɠɛ nuiti polu?

Lo!

3 À zɛbɛsulala nuiti maalobo, podointi,

wo ɠɛ ga sɔle nu bala nuiti bɛ, ta maawɔin nuiti,

4 à zɛbɛsulala nuiti fie, ta maawɔin nuiti,

à ti vie, wo ti ɠula faa ɲɔu ɠɛ nuiti zea.

5 «Kɛlɛ ti la faa nɔpɛ gaaɠaazu, ti la faa nɔpɛ kwɛɛ,

ta liizu ga yeeʋɛa mɛmɛ kpidii zu,

eteai ma wuulaagiti ti ɲiikpiga eteai zu ná pɛ.

6 Gè ɠɛni ma: ‹Wa ga galagiti,

wo pɛ wa ga nii é Anii-Pɛ-Unda naa ná-doun zunuiti!›

7 Anɛɛ naa ʋe, wa zaazu ga nuɓusɛiti kɛʋele,

wa loo bu, eɠɛʋelei nɔ kundiɠiiti ta ɗa loo bu la.»

8 Ee, GALA, wuzeɠe, è eteai lukpɔɠaaleʋe!

Mazɔlɔɔ ziiti pɛ ta ga ɗɔnɔi.