1 Tegani o Isaak akharda e Jakove, blagoslovisada le thaj zapovedisada lese: "Ma le romnja maškare hanaanska čheja! 2 Sigate dža ano Padan-Aram, ano ćher e Betuileso, ko dad ćire dako, thaj odori arakh tuće romnja, jekha tare čheja e Lavanese, će ujkose. 3 O Emzuralo Dol te blagoslovil tut thaj te ćerol tutar bute manušen thaj tutar te ćerdon but narodura. 4 Nek pe tute thaj pe ćire potomkura avol o blagoslov e Avraameso, te prele i phuv ane savi akana beše sar abandžija, a savi o Dol dija e Avraamese."

5 Gija o Isaak bičhalda e Jakove ano Padan-Aram thaj vov đelo ko Lavan, čhavo e Betuileso o Aramejcoso, phral e Revekako, Jakovese thaj e Isavese dejako.

6 O Isav dodžanglja kaj blagoslovisada o Isaak e Jakove thaj bičhalda le ano Padan-Aram te araćhol odori pese romnja, vaćarindoj: "Ma le romnja maškare hanaanska čheja," 7 thaj kaj o Jakov šunda pe dade thaj pe da thaj đelo ano Padan-Aram. 8 Gija o Isav shvatisada kobor si e hanaanska čheja bimangle lese dadese e Isaakose, 9 pa đelo o Isaak ko Jišmael thaj paše romnja so sasa le, lija romnjaće e Mahalata. Voj sasa čhej e Jišmaelesi, unuka e Avraamesi, thaj sasa phen e Nevajotesi.

10 O Jakov andari Beer-Ševa đelo ano Haran. 11 Kana avilo dži ko nesavo than gothe suta, golese kaj o kham nakhlo. Lija jekh bar tare gova than, čhuta le talo šoro thaj ke gova than pašlilo te sovol. 12 Ano suno dikhlja sluba sar ačhol ki phuv, savi pe vrhosa sasa dži ko nebo. E Devlese anđelura pe lende uštena thaj uljena. 13 A upreder i sluba sasa o GOSPOD thaj phenda: "Me sem o GOSPOD, Dol e Avraameso thaj e Isaakoso. I phuv kaj pašljo ka dav tuće thaj će potomkurenđe. 14 Ćire potomkura ka aven sar praho ki phuv. Ka širin tumen ko zapad thaj ko istok, ko sever thaj ko jug. Prekal tute thaj će potomkura ka blagosloviv sa e naroduren ki phuv. 15 Me sem tusa thaj ka arakhav tut kaj dža. Ka anav tut palal ki kaja phuv. Ni ka ačhavav tut sa dži kaj ni pherav kova so obećisadem tuće."

16 Kana o Jakov uštilo taro sojipe, phenda: "Čače o GOSPOD si ke kava than, a me ni džangljem!" 17 Thaj ani dar phenda: "Sar si kava than strašno! Kava naj aver nego e Devleso ćher! Kava si i kapija e nebosi!"

18 O Jakov uštilo rano ki sabalin, lija kova bar savo čhuta talo šoro, vazdija le sar stubo thaj pe leste čhorda ulje. 19 Gova than akharda Betel*. (Gova foro angleder akhardilo Luz.)

20 Tegani o Jakov xalja sovli: "Ako ka avol o Dol mancar, ako ka araćhol man ke kava drom kaj džav, ako ka dol man mangro xamase thaj šeja urajimase, 21 pa džuvdo thaj sasto iriv man ano ćher me dadeso, tegani tu GOSPODE ka ave mo Dol. 22 A kava bar savo vazdijem sar stubo ka avol e Devleso ćher. A tare sa so de man, Devla, ka dav tuće dešto kotor."