1 O sap sasa emlukavo maškare sa e divlja životinje save ćerda o GOSPOD, o Dol. O sap pučlja e džuvlja: "Čače li o Dol vaćarda kaj ni troman te xan taro nijekh kaš ano vrt?"

2 I džuvli phenda e sapese: "Amen troma te xa o bijandipe tare sa e kašta ano vrt, 3 al pašo bijandipe e kašteso savo si ano vrt ko maškar, vaćarda o Dol: ‘Ma xan lestar ni ma dolen tumen lestar, te na meren!’"

4 Tegani o sap phenda e džuvljaće: "Na, tumen ni ka meren. 5 Nego, džanol o Dol kaj ano đive kana ka xan tare gova kaš ka putavon tumare jakha thaj ka aven sar o Dol – ka džanen so si o šukaripe, a so si o bilačhipe."

6 Kana i džuvli dikhlja kaj si o bijandipe taro kaš šukar xamase, primamljivo jakhenđe thaj poželjno te dobil pe gođaveripe, ćidija o bijandipe taro kaš thaj xalja. Pale gova dija i pe rome, savo sasa lasa, pa i vov xalja. 7 Tegani soldujenđe putajle lenđe jakha thaj dodžanglje kaj si nanđe. Golese khuvde e smokvaće patrna thaj lendar ćerde pese učharipe.

8 Tegani, angli rat kana po zala phurdola i balval, o manuš thaj lesi romni šunde sar o GOSPOD, o Dol phirol ano vrt thaj garadile lestar maškare kašta.

9 O GOSPOD, o Dol, akharda e manuše thaj pučlja: "Kaj san?"

10 O manuš phenda: "Šundem sar phire ano vrt thaj daraljem, golese kaj sem nango, pa garadiljem."

11 Tegani o Dol pučlja le: "Ko vaćarda tuće kaj san nango? Dal xaljan tare kova kaš paše savo zapovedisadem tuće te ma xa lestar?"

12 O manuš phenda: "I džuvli sava tu čhutan te avol mancar, dija man o bijandipe taro kaš thaj me xaljem."

13 Tegani o GOSPOD, o Dol, pučlja e džuvlja: "So ćerdan gova?"

A i džuvli phenda: "O sap xoxada man thaj golese xaljem."

14 Tegani o GOSPOD, o Dol, phenda e sapese:

"Golese so gova ćerdan,

harami te ave maškari sa i stoka

thaj maškare sa e divlja životinje!

Ko vođi ka vuci tut,

thaj praho ka xa ane sa e đivesa ćire džuvdimaso.

15 A me ka čhuvav dušmanluko

maškar tute thaj maškar i džuvli

thaj maškar ćiro pleme thaj lako pleme.

Lako pleme ka gazil ćo šoro,

a tu ka xa le za ki patum."

16 A e džuvljaće phenda:

"Kana ka ave khamni, ka baravav ćo pharipe

thaj ane dukha ka bijane e čhavoren.

Ka žudi pale ćo rom,

al vov ka vladil tusa."

17 Pale gova phenda e manušese:

"Golese so šundan će romnja,

thaj xaljan taro kaš

baše savo zapovedisadem tuće:

‘Ma te xa lestar!’,

i phuv te avol harami zbog tute.

Mukasa ka xa latar

ane sa e đivesa ćire džuvdimaso.

18 Kangre thaj korov ka bijanol tuće,

a tu ka xa e poljska biljke.

19 Ano znoj ćire mujeso ka xa mangro,

sa dok ni iri tut ani phuv,

golese so san ćerdo tari phuv,

praho san, ano praho ka iri tut."

20 O manuš dija pe romnja alav Eva, golese kaj si dej sa e manušenđe.

21 O GOSPOD, o Dol, ćerda e manušese thaj lese romnjaće šeja tari morčhi thaj urada len.

22 Pale gova vaćarda o GOSPOD, o Dol: "Akh, o manuš ćerdilo jekh sar amen – džanol so si o šukaripe thaj so si o bilačhipe. Al akana, ni troma te mukha e manuše te pružil po va thaj te ćidol taro kaš e džuvdimaso, te ma bi xala thaj gija te avol džuvdo ane sa e đivesa!"

23 Golese o GOSPOD, o Dol, tradija le andaro edensko vrt, te ćerol bući ki phuv tare savi sasa ćerdo. 24 Kana tradija e manuše, čhuta ki istočno rig taro edensko vrt e heruvimen thaj jagalo mačo, savo vrtila pe ke sa e riga, te bi araćhena o drom premalo kaš e džuvdimaso.