1 Tegani o Dol blagoslovisada e Noja thaj lese čhaven, vaćarindoj: "Množin tumen, bijandon thaj pheren i phuv! 2 Nek daran tumendar sa e životinje ki phuv, sa e čiriklja ko nebo, sa e stvorenjura save puzin ki phuv thaj sa e mačhe ano more – ane tumare vasta si predajime. 3 Sa so phirol thaj si džuvdo, nek avol tumenđe xamase. Sar so dijem tumen e zelena biljke, gija akana dav tumen sa.

4 Al ma xan mas ane savo si vadži o rat, gova značil kaj si ane leste vadži o džuvdipe. 5 Baše tumaro rat thaj tumaro džuvdipe, ka mangav te dol pe računo. Ka mangav gova tare dži jekh životinja savi lol e manušeso džuvdipe. Thaj ka mangav o džuvdipe tare dži jekh manuš savo lol avere manušeso džuvdipe.

6 ‘Ko čhorol o rat e manušeso,

leso rat ka čhorol o manuš,

golese kaj o Dol ćerda

e manuše pe piro oblik.’

7 Množin tumen thaj bijandon. Pheren i phuv thaj množin tumen pe late."

8 Tegani o Dol phenda e Nojase thaj lese čhavenđe: 9 "Akh, phandav mingro savez tumencar thaj tumare potomkurencar, 10 thaj svakone džuvde bićesa savo si tumencar – e čirikljencar, e stokasa thaj sa e divljone životinjencar, sa kolesa so iklilo andaro brodo tumencar – svakone džuvde bićesa ki phuv. 11 Phandav mingro savez tumencar: Nikad vadži o potop ni ka uništil sa e džuvde bićura. Nikad ni ka avol gasavo potop te uništil sa pi phuv."

12 Thaj phenda o Dol: "Kava si o znako taro savez savo phandav maškare mande thaj tumende thaj maškar dži jekh džuvdo biće savo si tumencar, savo si baše sa e generacije save ka aven: 13 Čhuvav i duga mingri ane oblakura, voj ka avol znako taro savez maškare mande thaj maškari phuv. 14 Kana god ka čhuvav e oblakura pi phuv thaj kana ka sikadol i duga ke oblakura, 15 ka dav man gođi pe mingro savez savo si maškar mande thaj tumende thaj dži jekh džuvdo biće. Thaj nikad vadži taro paj ni ka ćerdol potop savo ka uništil sa e džuvde stvorenjura. 16 Kana i duga sikadol ane oblakura, ka dikhav la thaj ka dav man gođi po večno savez maškar mande thaj maškare sa e džuvde stvorenjura ki phuv."

17 Tegani vaćarda o Dol e Nojase: "Gova si o znako taro savez savo phangljem maškare mande thaj maškare džuvde stvorenjura ki phuv."

18 E Nojase čhave save iklile taro brodo sesa o Sim, o Ham thaj o Jafet. (O Ham sasa dad e Hanaaneso.) 19 Gova si trin čhave e Nojase, a lendar bijandile potomkura save raširisajle pi sa i phuv.

20 A o Noja lija te ćerol bući pi phuv thaj sadisada vinograd. 21 Jekh drom pilja mol, matilo thaj pašlilo nango ane po šatori. 22 O Ham, o dad e Hanaaneso, dikhlja pe dadeso nanđipe thaj vaćarda gova solduje phralenđe save sesa avral. 23 Tegani o Sim thaj o Jafet lije o ogrtači, čhute le pe phiće thaj đele irime dumesa te učharen o nanđipe pe dadeso. Lenđe muja sesa irime te ma dićhen o nanđipe pe dadeso.

24 Kana o Noja treznisajlo tari mol thaj dodžanglja so ćerda leso emterno čhavo, 25 phenda:

"Harami te avol o Hanaan!

Emteluno robo maškare robura

ka ave će phralenđe!"

26 Thaj vadži phenda:

"Blagoslovimo te avol o GOSPOD, o Dol e Simoso!

O Hanaan te avol robo e Simoso!

27 O Dol te dol e Jafete pobut phuv

te bešol ane šatora e Simose!

O Hanaan te avol leso robo!"

28 O Noja sasa džuvdo vadži trišel thaj pinda (350) berš palo potop. 29 Gija o Noja sasa džuvdo enjašel thaj pinda (950) berš thaj mulo.