1 Kana dikhlja i Rahilja kaj naštine te ačhol khamni, postanisada ljubomorno pe piri phen i Lija thaj phenda e Jakovese: "De ma čhaven, il ka merav."

2 O Jakov holjajlo pi Rahilja thaj vaćarda laće: "Me li sem o Dol, savo ni dija tut čhaven?"

3 Tegani voj phenda: "Akh, mi sluškinja i Bilha. Sov lasa, te bijanol manđe ke koča, gija man te aven čhave prekal late."

4 Gija dija le pe sluškinja e Bilha romnjaće thaj o Jakov suta lasa. 5 Voj ačhili khamni thaj bijanda lese čhave. 6 Tegani i Rahilja phenda: "O Dol presudisada ane mingro korist. Šunda mi molitva thaj dija man čhave." Gija dija le alav Dan*.

7 E Rahiljaći sluškinja i Bilha palem ačhili khamni thaj bijanda e Jakovese dujtone čhave. 8 Tegani i Rahilja phenda: "Bari sasa mi borba me phejasa, al me pobedisadem." Gija dija alav e čhave Neftalim*.

9 Kana dikhlja i Lija kaj ačhili te bijanol, lija pe sluškinja e Zilpa thaj dija la e Jakovese te avol lesi romni. 10 Thaj e Lijaći sluškinja i Zilpa bijanda e Jakovese čhave. 11 Tegani lesi romni i Lija vaćarda: "Savi bax!" Gija dija le alav Gad*.

12 E Lijaći sluškinja i Zilpa e Jakovese bijanda vadži jekhe murše. 13 Tegani i Lija vaćarda: "Čače sem baxtali! E džuvlja ka akharen man baxtali!" Gija dija le alav Asir*.

14 Jekh drom, ano vreme kana ćidol pe o điv, đelo o Ruvim ko polje. Gothe arakhlja biljke mandragore* thaj inđarda pe daće e Lijaće. I Rahilja phenda e Lijaće: "Moliv tut, de ma zala mandragore će čhavese."

15 I Lija phenda laće: "Naj li tuće zala so lijan me rome, akana manđe te le e mandragore me čhavestar?"

I Rahilja phenda laće: "Šukar. Nek o Jakov pašljol erat tusa ani zamena baše gola mandragore će čhavese."

16 Kana ki rat o Jakov avilo taro polje, i Lija iklili angle leste thaj phenda lese: "Erat ka sove mancar, golese kaj poćindem tut me čhavese mandragorencar." Gija o Jakov suta goja rat e Lijasa.

17 O Dol šunda e Lijaći molitva, voj ačhili khamni thaj e Jakovese bijanda pandžtone murše. 18 Tegani i Lija phenda: "O Dol dija man nagrada golese so dijem me romese me sluškinja." Gija dija e čhavese alav Isahar*.

19 I Lija pale ačhili khamni thaj e Jakovese bijanda šovtone čhave. 20 Tegani i Lija phenda: "O Dol dija man but dragoceno daro. Akana mo rom ka poštujil man, golese kaj bijandem lese šov čhave." Gija dija le alav Zavulon*.

21 Pale gova bijanda čheja thaj dija la alav Dina.

22 Tegani o Dol dija pe gođi e Rahiljaće, šunda laći molitva thaj putarda lako vođi te ačhol khamni. 23 Gija ačhili khamni, bijanda čhave thaj phenda: "O Dol crdija mingri ladž!" 24 Dija le alav Josif*, vaćarindoj: "O GOSPOD nek dol man vadži jekhe čhave!"

25 Kana bijanda i Rahilja e Josife, o Jakov phenda e Lavanese: "Mukh man te džav ćhere, ano than kaj bijandiljem! 26 De man me romnjen thaj mingre čhaven, baše save služisadem tut, pa te šaj džav. Golese kaj tu šukar džane kobor bući ćerdem tuće."

27 Al o Lavan phenda lese: "Te arakhljem milost ane ćire jakha, ma dža khatinde! Dikhljarimasa dodžangljem kaj o GOSPOD blagoslovisada man baše tute." 28 Thaj vadži phenda: "Rode plata savi manđe, thaj me ka dav tut."

29 O Jakov phenda lese: "Tu šukar džane sar služisadem tut thaj sar sasa će stokaće dži kaj dikhljem la. 30 Kova zala so sasa tut angleder so aviljem, akana but barilo, golese kaj o GOSPOD blagoslovisada kaj god čhutem mo pingro. Naj li vreme te počniv te ćerav bući mingre familijaće?"

31 O Lavan pučlja: "Sar te poćinav tuće?"

O Jakov phenda lese: "Ma poćin manđe khanči! Al ka ačhav te arakhav će bakren thaj te inđarav len te čaron, ako ka ćere manđe kava: 32 Mukh ma te džav avđive maškar će sa e stadura e bakrenđe thaj te ikalav sa e pegavone thaj e šarime bakren, sa e kale bakroren, thaj dži jekha šarime il pegavona buznja. Gova nek avol mi plata! 33 Kana ka ave te dićhe e stoka sava lijem sar plata, nek mingro poštenje svedočil manđe. Dži jekh buzni savi naj šarimi thaj pegavo thaj dži jekh bakroro savo naj kalo, a arakhadol mande, nek avol kaj si čordano."

34 O Lavan phenda: "Šukar. Nek avol sar so phendan." 35 Al gova isto đive o Lavan crdija sa e prugastone thaj e šarime buzen, i sa e pegavone thaj e šarime buznjen. Thaj dija sa save sasa len zala parno thaj sa e kale bakren ke pe čhave te araćhen len. 36 Tegani gothar đelo dur trin đive phiripe taro Jakov, dži kaj o Jakov ačhilo te čaravol avera e Lavanese stadura.

37 O Jakov lija zelena kašta tari topola, taro bademo thaj taro kesteno, pa ane lende urezisada parne pruge gija so ranglja i kora dži kaj ni dićhilo o parnipe taro kaš. 38 Tegani e rangle raja čhuta ane balije, te aven angli stoka kana bi avena te pijen paj. Gothe i stoka bi parila pe, kana bi avena te pijen paj. 39 Gija bi i stoka parila pe angle raja. A sa so bijandona sesa prugasta, pegava thaj šarime.

40 O Jakov crdija e terne životinjen, al averen irisada te dićhen ane prugasta thaj ane kale životinje save preperena e Lavanese. Gija o Jakov pese dobisada odvojime stadura thaj ni mešisada len e Lavanese stokasa. 41 Kana e zurale životinje taro stado parina pe, o Jakov bi čhuvola e rangle raja ane balije angle životinje te bi parina pe angle lende. 42 Al angle slaba životinje o Jakov ni čhuvola e granke. Gija e slaba bi preperena e Lavanese, a e zurale e Jakovese. 43 O Jakov gija but barvajlo, thaj steknisada but stoka, sluškinjen thaj slugen, kamilen thaj heren.