1 O Jakov đelo pe dromesa thaj resle le e anđelura e Devlese.

2 Kana dikhlja len o Jakov, vaćarda: "Kava si e Devleso tabori!" Golese gova than akharda Mahanajim.

3 O Jakov angle peste bičhalda glasnikuren ke po phral o Isav, ano seirsko krajo ano Edom, 4 thaj naredisada lenđe: "Vaćaren me gospodarese e Isavese gijate: ‘Gija vaćarol ćiro sluga o Jakov: Bešljem ko Lavan i gothe sema sa dži akana. 5 Isi man guruva, hera, bakre, sluge thaj sluškinje. Bičhalav kava haberi tuće, gospodarona, thaj nadiv man kaj ka arakhav milost ane će jakha.’"

6 Kana e glasnikura irisajle ko Jakov, phende lese: "Sama ke ćo phral o Isav. Vov avol ke tute thaj lesa vadži štaršel (400) murša."

7 Tegani o Jakov but darajlo thaj zabrinisajlo, golese e manušen save sesa lesa thaj e bakren, e guruven thaj e kamilen podelisada ke duj tabora. 8 Dija gođi: "Ako o Isav avol ke jekh tabori thaj napadil le, o dujto tabori ka šaj našol."

9 Tegani o Jakov molisajlo: "Devla mingre paradadeso e Avraameso, Devla mingre dadeso e Isaakoso, GOSPODE, savo phendan manđe: ‘Iri tut ani ći phuv thaj ki ći familija. Me ka ćerav te avol tuće šukar.’

10 Nedostojno sem baše sa o manglipe thaj vernost savo sikadan manđe, ćire slugase. Samo jekh rovli sasa man kana nakhljem prekali len o Jordan, a akana isi man duj tabora. 11 Moliv tut, ikal ma tare vasta me phralese e Isavese, golese so darav kaj ka avol thaj ka mudarol amen savoren, čak e dejen sa e čhavorencar. 12 Al tu vaćardan: ‘Ka ćerav te avol tuće šukar thaj te aven tut potomkura sar pošik ko more, savi našti đinol pe.’ "

13 O Jakov gothe nakhada i rat thaj tare kova so sasa le pripremisada daro pe phralese e Isavese: 14 Dujšel (200) buznjen thaj biš (20) buzen, dujšel bakra (200) thaj biš (20) bakre, 15 tranda (30) kamile thaj lenđe terne, saranda (40) guruvnja, deš (10) guruva, biš (20) hernja thaj deš (10) hera.

16 Tegani e stadura dija pe slugenđe, dži jekhese posebno, thaj phenda lenđe: "Džan angle mande, al mućhen than maškare stadura."

17 E anglune slugase zapovedisada: "Kana ka resol tut mo phral o Isav thaj pučol tut: ‘Kaso san thaj kaj dža? Kase si kala životinje angle tute?’, 18 tu vaćar: ‘Kava si ćire slugase e Jakovese. Kava si daro savo vov bičhalol pe gospodarese e Isavese. Thaj vov avol pale amende.’ "

19 Gija zapovedisada te ćeren i o dujto thaj i o trito sluga thaj savore save pratisade e stadura, vaćarindoj: "Gija phenen i tumen e Isavese kana ka resen le. 20 Thaj dićhen te vaćaren: ‘Akh, ćiro sluga o Jakov avol pale amende.’ "

Golese so o Jakov dija gođi: "Ka kovljarav e Isave kale darurencar save bičhalav angle mande, thaj kana ka resa amen, šaj ka primil man šukar."

21 Gijate o daro e Jakoveso đelo angle leste, al vov goja rat ačhilo ano tabori. 22 Ani goja isto rat o Jakov uštilo, lija pe duje romnjen, pe duje sluškinjen thaj pe dešujekhe (11) čhaven, thaj nakhlo prekalo potoko Jabok. 23 A kana len nakhada prekalo potoko, nakhada i sa so sasa le.

24 Gija o Jakov ačhilo korkoro. Tegani jekh manuš perada pe lesa dži kaj ni đivesajlo. 25 Kana o manuš dikhlja kaj našti te savladil e Jakove, čalada le ko zglobo e kukoso, gija dži kaj o Jakov perada pe manušesa, e Jakoveso kuko premestisajlo.

26 Tegani o manuš vaćarda: "Mukh ma, golese kaj đivesajlo!"

O Jakov vaćarda: "Ni mukhav tut sa dži kaj ni blagoslovi man!"

27 O manuš pučlja le: "Sar si ćo alav?"

Vov vaćarda: "Jakov."

28 O manuš vaćarda: "Ćo alav ni ka avol vadži Jakov, nego Izrael*, golese so mardan tut e Devlesa thaj e manušencar, thaj pobedisadan."

29 Tegani o Jakov pučlja: "Vaćar manđe, moliv tut, ćo alav?"

Vov vaćarda: "Sose puče man me alavese?"

Tegani gothe blagoslovisada le.

30 Gova than o Jakov dija vika Peniel*, golese so phenda: "Dikhljem e Devle muj mujesa, a ačhiljem džuvdo." 31 Kana o Jakov nakhlo o Penuel, o kham iklilo. Tegani o Jakov lija te banđarol baše po kuko. 32 Golese e Izraelcura dži avđivesutno đive ni xan i tetiva savi si phangli po zglobo e kukoso, golese kaj e Jakoveso zglobo sasa čalado.