Marcos 6

22 Hûao nsongwa kasi wa Helodiya ûtwelile musense gya kikwe no ûkindile, umulogeshe Helode amo no balya bagitile. Helode umulombwele gûlya nsongwa kasi: "Nombe kyokyonse kyonokeba, no nene nshankûwe." 23 No ûgêlêlêle byonka umulapêle: "Kyokyonse kyo shaûnombe nshankwabêle, kyo kûba kiba kya bûkolo bwane."

24 Gûdjo nsongwa kasi uwimine andje, ûgêle kwe nyage no kumubûsha: "Nombe kêê?"

Nyage umuendwele: "Lomba twee lya Yoano Mubatisha."

25 Lûkwe lûmo gûlya nsongwa kasi wêbwêlêle bûkêle kwê Helode no umulombile: "Nankeba onkaano mpebwe twe lya Yoano Mubatisha mulûbadje!"

26 Helode ûkolelwe biiko, mone wandilwe kûbenga kibalo ûlapile kûmeso ga balya bagitile. 27 Onka alya Helode umutakêshe gûmo wa basilêkale bage kumuêla twe lya Yoano Mubatisha. Musilêkale ûgêle munda gya kikûtû, kumudjêgûla Yoano twe; 28 usilishe twe lya Yoano Mubatisha mulûbadje kumuela gûlya nsongwa kasi, noge nsongwa kasi umuelêle nyage.