34 ✝Kûwa Yesû witile kibûngo no baana babûganga bage, wêbalombwele: "Muntû gense wakûkeba kûnonda nene, ebenge gemwine, etenteke mutê gwa mpênga mpetya gwage, anonde. 35 ✝Kwakûba muntû wakûkeba kûhandya ngikeno kyage wêkegisiminia, no muntû wêkasiminia ngikeno kyage kibalo kyane no kibalo kya musahû gûsoga wakegihandya. 36 Katolwa kêê kwa muntû kûba no bûheta bonse bwa kandje, noge asiminie bûkome bwage? 37 Kikêê muntû kyalêbuimia kwa kûhandya bûkome bwage? 38 Ntêê muntû gee kûtegelela nsoni kibalo kyane no mianda gyane, mbelê gya bantû bano balûbyalo lûlû, lusi lumukokele Kabesha Mpûngû, no bantomboki; Mwana wa muntû wêkamumwena nsoni muntû gûdjo, kikaba nansho lwenekasha mu ntûmbo gya Shage amo no masalagûlû galûmbûlûke."