12 Abere axondeingira mu mutsi muuma, babentsi ikumi baya ikorana naye. Niabanaimana hale*17:12 Kwe kulikira ku aMuomba wa Musa abwire, amundu ali abembire, ni atashushire iipfunda hofi na bandi bandu bo batabembire. Soma Balawi 13:45-46. naye, 13 nelehya amirenge mbu: «Yesu, Ninakuwetu, utupfire bwoncho!»

14 Yesu abere amexungabo, nianabwirabo mbu: «Muende, shamuyibwerekye kwa bakungu ba hekalu.*17:14 Soma Balawi 14:2-3.» Nabo babere bakinali mwa nchira ya reyayo, niabanakomibwa. 15 Muuma mubo abere amexunga ku amelama nianafuluka ira nyuma ni asingya Ongo mu mulenge mule. 16 Amundu uyo abaa Musamariya. Nianapfukama na busu hashi mwa mbere sa Yesu, nianamusima. 17 Aho, Yesu nianabula mbu: «Mbeni bate ababentsi ikumi boshanikomya! Abandi mwenda, bali hai? 18 Hatali kiro mundu muuma mubo ya mefuluka kwesima Ongo, ali ate amundu uyu yate Muyahuti?» 19 Niyo Yesu abwira aMusamariya uyo mbu: «Batuka, uende, abwimire bwawe bwamekuufula.»