Mateus 4

lblis yetjerreb g yesuwƹ

1 wembeƹd yuwya rruwḥ lqudus yesuwƹ al lexla bac atijerreb lblis. 2 beƹd mag iẓwum rbƹiyn d ussanaṯ aḏ iḍaneṯ, yelluz. 3 yaxy yusesd lliy tatijerreb, yuwayas: «kan cek d memmis n rebbiy mmel y ayuh n teḍγeγt ateḏwel d aγrum.» 4 yaxy yerras: «rahiy yetweri:

<muc s aγrum weḥdes itedder bnaḏem,

lekinti s kul tuflayt teteffeγ seg imi n rebbiy. > »

5 wembeƹd yewyi lblis al tmura temeqdust. aḏ ysebbeddyi af lḥacit n lheykel. 6 aḏ yuwayas: «kan cek d memmis n rebbiy, suda imaniḵ al dday, afelxaḍert yetweri:

<yetweṣṣa lmlayektis siyeḵ,

bac afqamen af ifesnesen

aḏ witečiṯec dariḵ al aḍγaγ. > »

7 yaxy yuwayas yesuwƹ: «aḏ yetweri zada:

witjerrebc rebbiy, rebbiyḵ.»

8 wembeƹd yewyi lblis al iγef n jbel yeƹla ggeṯ. aḏ isiḵnas lmemmelek timeqqarin n ddunyeṯ lkul. 9 aḏ yuwayas:

«afuceγ tinuh lkul kan tezwiḏ aḏ tesjeḏdiḏ.»

10 yaxy yuwayas yesuwƹ: «barra ayya cciyḍan. rahiy yetweri:

<y rebbiy rebbiyḵ sjeḏ,

aḏ y netta weḥdes zzal. > »

11 yaxy yedjiy lblis. aḏ lbeƹḍ n lmleyka usennesd, ttegnes mag yexs.