ପର୍ତମ୍ମୁ 36

ଏସୋନ୍‌ ଆକେଜ୍ଜା

1 ଏସୋନ୍‌ ଆକେଜ୍ଜା । ଅନବ୍‌ବାଗୁ ଆଞୁମନ୍‌ ଇଦୋମ୍‌ । 2 ଏସୋନ୍‌ କିଣାନିଅବୟ୍‌ଜି ବାଗୁ ବିବାଲନ୍‌, ଇତିୟ ଏଲୋନନ୍‌ ଆ ଡାଙ୍ଗଡ଼ିଅନ୍‌ ଆଦାନ୍‌ଆଡଙ୍‌ ଡ ଅନ୍ନାନ୍‌ ଆ ଡାଙ୍ଗଡ଼ିଅନ୍‌ ଇତନ୍‌ ସିବିଅନନ୍‌ ଆଉଲେଙ୍‌ ଅଅଲିବାମାନ୍‌ଆଡଙ୍‌, 3 ଆରି ନବାୟତନ୍‌ ଆତନାନ୍‌ଆଡଙ୍‌, ଆଗ୍ରାମ୍‌ଗାମ୍‌, ଇସ୍ମାଏଲନ୍‌ ଆ ଡାଙ୍ଗଡ଼ିଅନ୍‌ ବାସମତନ୍‌ଆଡଙ୍‌ ବିବାଲନେ । 4 ତି ସିଲଡ୍‌ଲ୍ଲନ୍‌ ଏସୋନ୍‌ ଆମିଞାମ୍‌ଲୋଙ୍‌ ଆଦା ଇଲିପସନ୍‌ଆଡଙ୍‌ ଡ ବାସମତ୍‌ ରୁୟେଲନ୍‌ଆଡଙ୍‌ କୋଡେଞ୍ଜି । 5 ଆରି ଅହଲିବାମାନ୍‌, ଜିଉସନ୍ ଡ ଜାଲମନ୍‌ କୋରଅନ୍‌ଆଡଙ୍‌ କୋଡେନ୍‌; କେନ୍‌ ଅଡ଼୍‌କୋନ୍‌ ଏସୋନ୍‌ ଆ ଡାଙ୍ଗାଡ଼ାଅଞ୍ଜି କିଣାନ୍‌ ଡେସାଲୋଙ୍‌ କୋଡେଞ୍ଜି । 6 ତି ସିଲଡ୍‌ଲ୍ଲନ୍‌ ଏସୋନ୍‌ ଆ ଡୁକ୍ରିଞ୍ଜି ଡ ଡାଙ୍ଗାଡ଼ାଅନ୍‌, ଡାଙ୍ଗଡ଼ିଅନଞ୍ଜି ଡ ଅସିଂଙନ୍‌ ଲାଙ୍‌ଲେଡ୍‌ ଅଡ଼୍‌କୋନ୍‌ ଆମନ୍‌ରାଜିଆଡଙ୍‌, ଆରି, ଆନିନ୍‌ଡମ୍‌ ଅଡ଼୍‌କୋନ୍‌ ଆଜନ୍ତୁ ଡ କିଣାନ୍‌ ଡେସାଲୋଙ୍‌ ଅର୍ଜେଏନ୍‌ ଅଡ଼୍‌କୋନ୍‌ ଆନର୍ଜେ ପାଙ୍‌ଲେ ଆବୋଞାଙନ୍‌ ଜାକୁବନ୍‌ ଆମଙ୍‌ ସିଲଡ୍‌ ବଡେସା ଜିରେନ୍‌ । 7 ଇନିଆସନ୍‌ଗାମେଣ୍ଡେନ୍‌ ଆଜନ୍ତୁଞ୍ଜି ଗୋଗୋୟ୍‌ ଆଡ୍ରକୋଏନ୍‌ ଆସନ୍‌ ଆନିଞ୍ଜି ଆବରୁକ୍କୁନ୍‌ ଡକୋଲନ୍‌ ଅଃରପ୍ତିଲଜି, ଆରି ଆନମେଙଞ୍ଜି ଆସନ୍‌ ତେତ୍ତେ ଗୋଗୋୟ୍‌ ଲବନ୍‌ ଅଃଡକୋଲୋ । 8 କେନ୍‌ଅନ୍ତମ୍‌ ଏସୋନ୍‌ ସେୟିରନ୍‌ ଆବରୁଲୋଙ୍‌ ଡକୋଲନେ;

9 ଆରି ସେୟିରନ୍‌ ଆବରୁବା ଇଦୋମିଅଞ୍ଜି ଆପୁର୍ବାଜୋଜୋ ଏସୋନ୍‌ ଆକେଜ୍ଜା । 10 ଏସୋନ୍‌ ଆଅଞ୍ଜି ଆଞୁମ୍‌ କେନ୍‌ । ଏସୋନ୍‌ ଆଡୁକ୍ରି ଆଦାନ୍‌ ଆଞୁମ୍‌ବୟ୍‌ ଆଡାଙ୍ଗାଡ଼ାଅନ୍‌ ଇଲିପସ୍‌ ଡ ବାସମତ୍‌ ଆଞୁମ୍‌ ଆଡୁକ୍ରି ଆଡାଙ୍ଗାଡ଼ାଅନ୍‌ ରୁୟେଲ । 11 ଆରି,ଇଲିପସରନ୍‌ ଆଡାଙ୍ଗାଡ଼ାଅନ୍‌ ତଇମନନ୍‌, ଓମାରନ୍‌, ସପୋ, ଗୟିତମନ୍‌ ଡ କନସନ୍‌ । 12 ଆରି, ଏସୋନ୍‌ ଆ ଡାଙ୍ଗାଡ଼ାଅନ୍‌ ଇଲିପସରନ୍‌ ତିମ୍ନା ଆଞୁମ୍‌ ଅବୟ୍‌ ଆତିକିବଜନ୍‌ ଡକୋଏନ୍‌, ଆନିନ୍‌ ଇଲିପସରନ୍‌ ବାତ୍ତେ ଅମାଲେକନ୍‌ଆଡଙ୍‌ କୋଡେନ୍‌; କେନ୍‌ଆନିଞ୍ଜି ଏସୋନ୍‌ ଆଡୁକ୍ରି ଆଦାନ୍‌ ଆଅଞ୍ଜି । 13 ରୁୟେଲନ୍‌ ଆଡାଙ୍ଗାଡ଼ାଅନ୍‌ ନଅତନ୍‌, ସେରଅନ୍‌, ସମ୍ମନ୍‌ ଡ ମିସାନ୍‌, କେନ୍‌ଆନିଞ୍ଜି ଏସୋନ୍‌ ଆଡୁକ୍ରି ବାସମତନ୍‌ ଆଅଞ୍ଜି । 14 ଆରି, ସିବିଅନନ୍‌ ଆଉଲେଙ୍‌ ଅନାରନ୍‌ ଆଡାଙ୍ଗଡ଼ିଅନ୍‌ ଅହଲିବାମାନ୍‌, ଏସୋନ୍‌ ଆଡୁକ୍ରି ଡକୋଏନ୍‌, ଆ ଡାଙ୍ଗଡ଼ାଅନନ୍‌ ଜିୟୁସନ୍‌ ଡ ଜାଲମନ୍‌ ଆରି କୋରଅନ୍‌ ।

15 ଏସୋନ୍‌ ଆଅଞ୍ଜି ଆରାଜାନେ । ଏସୋନ୍‌ ଆସୋଡ଼ା ଡାଙ୍ଗାଡ଼ାଅନ୍‌ ଇଲିପସ୍‌, ଆ ଡାଙ୍ଗଡ଼ାଅନନ୍‌ ରାଜା ତଇମନନ୍‌ ଡ ରାଜା ଓମାରନ୍‌ ଡ ରାଜା ସପୋନ୍‌ ଡ ରାଜା କନସନ୍‌ 16 ଆରି ରାଜାନ୍‌ କୋରଅନ୍‌ ଡ ରାଜାନ୍‌ ଗୟିତମନ୍‌ ଡ ରାଜାନ୍‌ ଅମାଲେକନ୍‌; ଇଦୋମ୍‌ ଆଡେସାଲୋଙ୍‌ ଇଲିପସରନ୍‌ ଆକେଜ୍ଜା କେନ୍‌ ଆରାଜାଜି ଆଦାନ୍‌ ଆଡାଙ୍ଗାଡ଼ାଅନ୍‌ ଡକୋଏଞ୍ଜି । 17 ଏସୋନ୍‌ ଆ ଡାଙ୍ଗାଡ଼ାଅନ୍‌ ରୁୟେଲନ୍‌ ଆଅନ୍‌ ରାଜାନ୍‌ ନଅତନ୍‌ ଡ ରାଜାନ୍‌ ସେରଅନ୍‌ ଡ ରାଜାନ୍‌ ସମ୍ମନ୍‌ ଡ ରାଜାନ୍‌ ମିସାନ୍‌; ଇଦୋମ୍‌ ଆଡେସାଲୋଙ୍‌ ରୁୟେଲନ୍‌ ଆକେଜ୍ଜା କେନ୍‌ ଆରାଜାଜି ଏସୋନ୍‌ ଆଡୁକ୍ରି ବାସମତନ୍‌ ଆଅନ୍‌ ଡକୋଏଞ୍ଜି । 18 ଆରି, ଏସୋନ୍‌ ଆଡୁକ୍ରି ଅହଲିବାମାନ୍‌ ଆଅନ୍‌ ରାଜାନ୍‌ ଜିୟୁସନ୍‌ ଡ ରାଜାନ୍‌ ଜାଲମନ୍‌ ଡ ରାଜାନ୍‌ କୋରଅନ୍‌; ଅନାରନ୍‌ ଆଡାଙ୍ଗଡ଼ିଅନ୍‌ ଅହଲିବାମାନ୍‌, ଏସୋନ୍‌ ଆଡୁକ୍ରି ଡକୋଏନ୍‌, କେନ୍‌ଆନିଞ୍ଜି ଆଅଞ୍ଜି । 19 କେନ୍‌ଆନିଞ୍ଜି ଏସୋନ୍‌, ଆଗ୍ରାମ୍‌ଗାମ୍‌, ଇଦୋମନ୍‌ ଆଅନ୍‌ ଡ କେନ୍‌ଆନିଞ୍ଜି ଆକେଜାଞ୍ଜି ।

ସେୟିରନ୍‌ ଆକେଜ୍ଜା

20 ପୁର୍ବାନ୍‌ ଆଜୋଗା ତି ଆଡେସାବାୟ୍‌ଜି ଉରିଅନ୍‌ ସେୟିରନ୍‌ ଆଅନ୍‌ ଲୋଟନ୍‌ ଡ ସୋବଲନ୍‌ ଆରି ସିବିଅନନ୍‌ ଡ ଅନ୍ନାନ୍‌ 21 ଆରି ଦିସୋନନ୍‌ ଡ ଏତ୍ସରନ୍‌ ଡ ଦିସନ୍‌; ସେୟିରନ୍‌ ଆ ଡାଙ୍ଗଡ଼ାଅନ୍‌ଜି ଇଦୋମ୍‌ ଆଡେସା ଉରିଅନ୍ ଆକେଜ୍ଜା ଆରାଜା ଡକୋଏଞ୍ଜି । 22 ଲୋଟନ୍‌ ଆଡାଙ୍ଗାଡ଼ାଅନ୍‌ ଓରିନ୍‌ ଡ ଏମମ୍‌, ଆରି, ଲୋଟନ୍‌ ତିମ୍ନା ଆଞୁମ୍‌ ଆତନାନ୍‌ ଡକୋଏନ୍‌ । 23 ଆରି, ସୋବଲନ୍‌ ଆ ଡାଙ୍ଗାଡ଼ାଅଞ୍ଜି ଅଲ୍‌ବାନନ୍‌ ଡ ମାନଅତ୍‌ ଡ ଏବଲ୍‌ ଆରି ସପୋ ଡ ଓନମ୍‌ । 24 ଆରି, ସିବିଅନନ୍‌ ଆ ଡାଙ୍ଗାଡ଼ାଅନ୍‌ ଅୟାନ୍‌ ଡ ଆନାନ୍‌; କେନ୍‌ ଆ ଆନାନ୍‌ ଆପ୍ପେୟ୍‌ ସିବିଅନନ୍‌ ଆଗୋଡୋଁୟ୍‌ ଆତ୍ରୁରେନ୍‌ ଆଡିଡ୍‌ ଆରିଙ୍‌ରିଙ୍‌ଲୋଙନ୍‌ ପୁଞୁମ୍‌ ଡୁଙ୍‌ଡମ୍‌ନେଡାନ୍‌ ସାୟ୍‌ଲେ ଅମ୍‌ଡୁଙ୍‌ଲାୟ୍‌ । 25 ତି ଅନାରନ୍‌ ଆ ଡାଙ୍ଗାଡ଼ାଅନ୍‌ ଦିସୋନନ୍‌ ଡ ଆଡାଙ୍ଗଡ଼ିଅନନ୍‌ ଅହଲିବାମା । 26 ଆରି, ଦିସୋନନ୍‌ ଆ ଡାଙ୍ଗଡ଼ିଅନ୍‌ ଇମ୍‌ଦନ୍‌ ଡ ଇସବନ୍‌ ଆରି ଜିତ୍ରନ୍‌ ଡ କରାନ୍‌ । 27 ଏତ୍ସରନ୍‌ ଆ ଡାଙ୍ଗାଡ଼ାଅନ୍‌ ବିଲ୍‌ଅନ୍‌ ଡ ସାବନ୍‌ ଆରି ଆକନ୍‌ । 28 ଆରି, ଦିସନନ୍‌ ଆ ଡାଙ୍ଗାଡ଼ାଅନ୍‌ ଉସ୍‌ ଡ ଅରାନ୍‌ । 29 ଉରିଅନ୍ ଆକେଜ୍ଜା ଆରାଜା କେନ୍‌; ରାଜାନ୍‌ ଲୋଟନ୍‌ ଡ ରାଜାନ୍‌ ସୋବଲ୍‌ ଆରି ରାଜାନ୍‌ ସିବିଓନନ୍‌ ଡ ରାଜାନ୍‌ ଅନାନ୍‌ 30 ଡ ରାଜାନ୍‌ ଦିସୋନ୍‌ ଡ ରାଜାନ୍‌ ଏତ୍ସର ଡ ରାଜାନ୍‌ ଦିସନ୍‌ । କେନ୍‌ଆନିଞ୍ଜି ସେଇର ଆଡେସା ଉରିଅନ୍ ଆକେଜ୍ଜା ଆରାଜା ଡକୋଏଞ୍ଜି ।

ଇଦୋମନ୍‌ ଆରାଜାଜି

31 ଆରି, ଇସ୍ରାଏଲନ୍‌ ଆଅଞ୍ଜି ଆଉପ୍ରେଙ୍‌ଲୋଙ୍‌ ଆନ୍ନିଙ୍‌ ଅନ୍‌ରଙ୍‌ ରାଜାନେଞ୍ଜି ଆମ୍ମୁଙ୍‌ କେନ୍‌ ଆରାଜାଜି ଇଦୋମ୍‌ ଆଡେସାଲୋଙ୍‌ ରାଜାଲଞ୍ଜି । 32 ବିୟୋରନ୍‌ ବେଲାନ୍‌ ଆଞୁମ୍‌ ଆ ଡାଙ୍ଗାଡ଼ାଅନ୍‌ ଇଦୋମ୍‌ ଆଡେସାଲୋଙ୍‌ ରାଜାଲନେ, ଆ ଗଡ଼ାନ୍‌ ଆଞୁମ୍‌ ଦିନ୍‌ଆବା । 33 ବେଲାନ୍‌ ଆର୍ରବୁଏନ୍‌ ସିଲଡ୍‌, ଆତ୍ରଙ୍କୁମ୍‌ଲୋଙନ୍‌ ବସ୍ରା ଆସାଇବାୟ୍‌ ସେରଅନ୍‌ ଆଡାଙ୍ଗାଡ଼ାଅନ୍‌ ଜୋବବନ୍‌ ରାଜାଲନେ । 34 ଆରି, ଜୋବବନ୍‌ ଆର୍ରବୁଏନ୍‌ ସିଲଡ୍‌ ତଇମନ୍‌ ଆଡେସାବାୟ୍‌ ଉସନ୍‌ ଆତ୍ରଙ୍କୁମ୍‌ଲୋଙନ୍‌ ରାଜାଲନେ । 35 ଉସନ୍‌ ଆର୍ରବୁଏନ୍‌ ସିଲଡ୍‌, ବଦଦନ୍‌ ଆଡାଙ୍ଗାଡ଼ାଅନ୍‌ ଅଦଦନ୍‌ ମୋୟାବନ୍‌ ଆବସେଙ୍‌ଲୋଙ୍‌ ମିଦିୟନ୍‌ଆଡଙ୍‌ ଅଃବାରେଏନ୍‌, ସିଲତ୍ତେ ଆନିନ୍‌ ଆତ୍ରଙ୍କୁମ୍‌ଲୋଙନ୍‌ ରାଜାଲନେ; ଆଗଡ଼ାନ୍‌ ଆଞୁମ୍‌ ଅବିତ୍‌ । 36 ଅଦଦନ୍‌ ଆର୍ରବୁଏନ୍‌ ସିଲଡ୍‌ ମସ୍ରେକାବାୟ୍‌ ସମ୍ଳନ୍‌ ଆତ୍ରଙ୍କୁମ୍‌ଲୋଙନ୍‌ ରାଜାଲନେ । 37 ଆରି, ସମ୍ଳନ୍‌ ଆର୍ରବୁଏନ୍‌ ସିଲଡ୍‌ ପରାତ୍‌ ଆଲ ଆତୁୟାୟ୍‌ ରଓବୋତ୍‌ବାୟ୍‌ ଆପାଲ୍‌ତେଙନ୍‌ ରାଜାଲନେ । 38 ସଉଲନ୍‌ ଆର୍ରବୁଏନ୍‌ ସିଲଡ୍‌, ଅକ୍‌ବୋରନ୍‌ ଆଡାଙ୍ଗାଡ଼ାଅନ୍‌ ବାଲ୍‌ଆନନ୍‌ ଆତ୍ରଙ୍କୁମ୍‌ଲୋଙନ୍‌ ରାଜାଲନେ । 39 ଆରି, ଅକ୍‌ବୋରନ୍‌ ଆଡାଙ୍ଗାଡ଼ାଅନ୍‌ ବାଲ୍‌ଅଆନନ୍‌ ଆର୍ରବୁଏନ୍‌ ସିଲଡ୍‌, ଅଦରନ୍‌ ଆତ୍ରଙ୍କୁମ୍‌ଲୋଙନ୍‌ ରାଜାଲନେ; ଆଗଡ଼ାନ୍‌ ଆଞୁମ୍‌ ପାଉ ଡ ଆଡୁକ୍ରିନ୍‌ ଆଞୁମ୍‌ ମଏଟବେଲ୍‌ ଡକୋଏନ୍‌; ଆନିନ୍‌ ମଟ୍ରେଦରନ୍‌ ଆ ଡାଙ୍ଗଡ଼ିଅନ୍‌ ଡ ମେସାଅବରନ୍‌ ଆଉଲେଙ୍‌ । 40 ଏସୋନ୍‌ ସିଲଡ୍‌ ଅଙ୍ଗା ଆରାଜାଜି ଡୁଙ୍‌ଲନାଜି ଆକେଜ୍ଜାଞ୍ଜି ଡ ଡରକୋନେନ୍‌ ଆଞୁମ୍‌, ଡିଡର୍‌ଗମ୍‌ ଆଞୁମନ୍‌ ଅକେନ୍‌, ରାଜାନ୍‌ ତିମ୍ନା ଡ ରାଜାନ୍‌ ଅଲ୍‌ବାନ୍‌ ଡ ରାଜାନ୍‌ ଜିତ୍ତେତନ୍‌ । 41 ଡ ରାଜାନ୍‌ ଅହଲିବାମାନ୍‌ ଡ ରାଜାନ୍‌ ଏଲାନ୍‌ ଆରି ରାଜାନ୍‌ ପିନୋନନ୍‌ 42 ଆରି ରାଜାନ୍‌ କନସ୍‌ ଡ ରାଜାନ୍‌ ତଇମନନ୍‌ ଡ ରାଜାନ୍‌ ମିବ୍‌ସରନ୍‌ 43 ଆରି ମଗ୍‌ଦିଏଲନ୍‌ ଡ ଇରମ୍‌, କେନ୍‌ଆନିଞ୍ଜି ଏଦୋମନ୍‌ ଆସୋଡ଼ା ଡକୋଏଞ୍ଜି, ଆରି ଆନିଞ୍ଜି ଆଜ୍ରୋମେଞ୍ଜି ଆଲବଲୋଙ୍‌ ଆନିଞ୍ଜି ଆଡ୍ରକୋନେରେଙ୍‌ ଅନ୍ତମ୍‌ ।