12 ଆମନ୍ କାବ୍ବାଡ଼ାଲନ୍ ଜନ୍ରୋମନ୍ ବିଡେନ୍ ନିୟ୍ ଡେନ୍, ଇନ୍ନିଙ୍ ଅଃପଡାବାୟ୍; ଆରି ଅସିଙ୍ତଡନ୍ ଆ ମନ୍ରା ଅନ୍ତମ୍ ଅଡ଼େତେ ଅଡ଼େନ୍ନେ ପୁର୍ତିଲୋଙନ୍ ବୁଲ୍ଲେ ବୁଲ୍ଲେଲେ ଆଡ୍ରକୋତନ୍ ଆମନ୍ରା ଅନ୍ତମ୍ ଡେତମ୍ ।"
13 କଇନନ୍ ପ୍ରବୁଆଡଙ୍ ବରେନ୍, "କେନ୍ ଆ ଡନଣ୍ଡାୟ୍ ଞେନ୍ ସଏଲେ ଅଃରପ୍ତିଆୟ୍ । 14 ଆମନ୍ ଞେନ୍ଆଡଙ୍ କେନ୍ ଆଡ୍ରକୋନେଲୋଙ୍ ସିଲଡ୍ ଗଙ୍ତିଡ୍ଲିଁୟ୍ ଆରି ମୁକାବାନମ୍ ସିଲଡ୍ ସସତିଁୟ୍ । ପୁର୍ତିଲୋଙନ୍ ଅସିଙ୍ତଡନ୍ ଡ ଅଡ଼େତେ ଅଡ଼େନ୍ନେ ବୁଲ୍ଲେ ବୁଲ୍ଲେଲେ ଆଡ୍ରକୋତନ୍ ଆମନ୍ରା ଅନ୍ତମ୍ ଡେଲିଁୟ୍, ଆରି ଆନା ଜାକିଁୟ୍ ଞେନ୍ଆଡଙ୍ ରବାଙ୍ଲିଁୟ୍ଡେନ୍ ଆନିନ୍ ଞେନ୍ଆଡଙ୍ ରବ୍ବୁତିଁୟ୍ ।"
15 ପ୍ରବୁନ୍ ଆନିନ୍ଆଡଙ୍ ବରେନ୍, "କେନ୍ ଆସନ୍ ଆନ୍ନିଙ୍ କଇନନ୍ଆଡଙ୍ ରବ୍ବୁଏନ୍ଡେନ୍, ଆନିନ୍ ସାତଗୁନ ଡନଣ୍ଡାୟନ୍ ଞାଙ୍ତେ ।" ଆରି ଆନ୍ନିଙ୍ ଆନିନ୍ଆଡଙ୍ ଗିୟ୍ଲେ ଏଙ୍ଗାଲେ ରପ୍ତି ଅଃର୍ରବୁଏଜି, ତିଆସନ୍ ପ୍ରବୁନ୍ କଇନନ୍ ଆସନ୍ ଅବୟ୍ ଅରମ୍ମଡନ୍ ଡକ୍କୋଏନ୍ । 16 ତିସିଲଡ୍ ପ୍ରବୁନ୍ ଆମଙ୍ଲୋଙ୍ ସିଲଡ୍ କଇନନ୍ ଡୁଙ୍ଲନ୍ ଜିରେନ୍ ଆରି ଏଦନନ୍ ଆଡ୍ରୁଙ୍ୟୁଙ୍ଗଡ୍ ନୋଦ୍ ଆଞୁମ୍ ଅବୟ୍ ଡରକୋନେଲୋଙନ୍ ଇୟ୍ଲେ ଡକୋଲନେ ।
/images/a/WG5FS9VaSWVnVmV3VI8yP)
/images/a/Tcg2NiV7ce24OT6kCIQGR)