ଆବୋଞାଙଞ୍ଜିଆଡଙ୍ ଜୋସେପନ୍ ଆସନେକୁଲ୍
1 ତି ସିଲଡ୍ଲ୍ଲନ୍ ଜୋସେପନ୍ ଆମଙ୍ବା ଆତନଙ୍ ଆଡ୍ରକୋଏନ୍ ଆମନ୍ରାଞ୍ଜି ଆତେମଡ୍ଲୋଙ୍ ଆନିନ୍ଡମ୍ ଲଡ୍ଲଡ୍ଜିଲନ୍ ଅଃରପ୍ତିଲନ୍ ସୋଡ଼ା ସର୍ରଙନ୍ ବାତ୍ତେ ବର୍ନେ, "ମୁକାବାଞେନ୍ ସିଲଡ୍ ଅଡ଼୍କୋ ମନ୍ରାନ୍ଆଡଙ୍ ଅମ୍ଡୁଙ୍ବା ।" ସିଲତ୍ତେ ଆମଙ୍ବା ଆନ୍ନିଙ୍ ଅଃଡକୋଲଞ୍ଜି, ଜୋସେପନ୍ ଆବୋଞାଙଞ୍ଜି ଆତେମଡ୍ ଆନିନ୍ଡମ୍ ଆବର୍ନେ ବର୍ନେ । 4 ତି ସିଲଡ୍ଲ୍ଲନ୍ ଜୋସେପନ୍ ଆବୋଞାଙଞ୍ଜିଆଡଙ୍ ବରେନ୍, "କାକୁର୍ତିତନାୟ୍, ଅମଙ୍ଞେନ୍ ଜିରାୟ୍ବା," ସିଲତ୍ତେ ଆନିଞ୍ଜି ଆମଙ୍ବାନ୍ ଆଜିର୍ରେଞ୍ଜି, ଆନିନ୍ ବର୍ନେ, "ଞେନ୍ ବୋଞାଙ୍ବେନ୍ ଜୋସେପନ୍, ଆନାଆଡଙ୍ ଆମ୍ୱେଞ୍ଜି ମିସର୍ ଆରିୟେଞ୍ଜି ଆ ମନ୍ରାଜି ଆମଙ୍ ଏତମେନ୍ । 5 ବନ୍ଡ, ଆମ୍ୱେଞ୍ଜି ଞେନ୍ଆଡଙ୍ କେନ୍ତ୍ତେନେ ଆଜନିର୍ ଆସନ୍ ଏତମ୍ଲିଁୟ୍ ଗାମ୍ଲେ ନମି ଡୁକ୍କ ଡ ରମ୍ମଙ୍ ରମ୍ମଙ୍ ଏବରାବ୍ଡଙ୍ନେ; ଇନିଆସନ୍ଗାମେଣ୍ଡେନ୍ ଇସ୍ୱରନ୍ ପରାନ୍ନା ଆନମେଙ୍ ଆସନ୍ ଆମ୍ୱେଞ୍ଜି ଆମ୍ମୁଙ୍ ଞେନ୍ଆଡଙ୍ ଆପ୍ପାୟ୍ଲିଁୟ୍ ।
15 ଆରି, ଜୋସେପନ୍ ଆନ୍ନା ଆବୋଞାଙଞ୍ଜିଆଡଙ୍ ଜୋର୍ଜୋରେନ୍ ଡ ଆନିଞ୍ଜିଆଡଙ୍ ଞମ୍ଲେ ୟେଏନ୍ । ତି ସିଲଡ୍ଲ୍ଲନ୍ ଆବୋଞାଙଞ୍ଜି ଆନିନ୍ ସରିନ୍ ଅଲ୍ବରେଞ୍ଜି ।