5 ବନ୍ଡ, ଆମ୍ୱେଞ୍ଜି ଞେନ୍ଆଡଙ୍ କେନ୍ତ୍ତେନେ ଆଜନିର୍ ଆସନ୍ ଏତମ୍ଲିଁୟ୍ ଗାମ୍ଲେ ନମି ଡୁକ୍କ ଡ ରମ୍ମଙ୍ ରମ୍ମଙ୍ ଏବରାବ୍ଡଙ୍ନେ; ଇନିଆସନ୍ଗାମେଣ୍ଡେନ୍ ଇସ୍ୱରନ୍ ପରାନ୍ନା ଆନମେଙ୍ ଆସନ୍ ଆମ୍ୱେଞ୍ଜି ଆମ୍ମୁଙ୍ ଞେନ୍ଆଡଙ୍ ଆପ୍ପାୟ୍ଲିଁୟ୍ । 6 ଗିୟ୍ବା, ବଗୁ ବର୍ସେଙ୍ ଡେଏନ୍ ଡେସାଲୋଙନ୍ କାନ୍ତାରାଏନ୍; ଆରି ମନ୍ଲୟ୍ ବର୍ସେଙ୍ ଡକୋ କାନ୍ତାରାତେ, ତେତ୍ତେ ଅର୍ରନ୍ ଅଡ଼େ ଜନ୍ରୋମନ୍ ଆ ଗଃଗନେନ୍ ଅଃଡ୍ଡେଏ । 7 ତିଆସନ୍ ଇସ୍ୱରନ୍ ପୁର୍ତିଲୋଙନ୍ କେଜ୍ଜାବେନ୍ ଆଡନୋବ୍ ଆସନ୍ ଆରି ବରନ୍ତଙନ୍ ଆକାନ୍ତାରା ସିଲଡ୍ ଆମ୍ବେଞ୍ଜିଆଡଙ୍ ଆନବ୍ମେଙ୍ ଆସନ୍ ଇସ୍ୱରନ୍ ଆମ୍ମୁଙ୍ମା ଞେନ୍ଆଡଙ୍ ତେନ୍ନେ ଆପ୍ପାୟ୍ଲିଁୟ୍ । 8 ତିଆସନ୍ ଆମ୍ୱେଞ୍ଜି ଞେନ୍ଆଡଙ୍ କେନ୍ ତେନ୍ନେ ଏଆପ୍ପାଲିଁୟ୍, ତି ତଡ୍, ଇସ୍ୱରନ୍ ଆପ୍ପାୟ୍ଲିଁୟ୍; ଆରି, ଆନିନ୍ ଞେନ୍ଆଡଙ୍ ପାରୋନ୍ ଆ ଆପେୟ୍ ଡ ଆସିଙନ୍ ଆ ପ୍ରବୁ ଡ ସମ୍ପରା ମିସର୍ ଡେସାନ୍ ଆସାଉକାର ଏମ୍ମେଲିଁୟ୍ ।
Publicidade
/images/a/6c03efee-c76a-4ab8-fe2e-555683f90900)
/images/a/9ec55bb8-7dc5-47b9-c32a-98aea1c00300)