Wakolinto 5

18 Zose ni sang’hano za Mulungu yochilumba cheye nayo kwa nzila ya Kilisito. Kaching’ha sang’hano da kuwalumba wanhu nayo. 19 Iyo kulonga Mulungu kakala yowalumba wanhu wa isi zose kwa nzila ya Kilisito, bila kugesa malozo ga wanhu wao. Iyo kaching’ha usenga wa kuwatenda wanhu wailumbe nayo.

20 Baho, cheye chawasenga wa mbuli za Kilisito, na Mulungu mwenyego kochitumila cheye chiwapule mwenye. Chino icho chiyalonda Kilisito chimpuleni mweye mchitende.