Marcos 3

22 Wafunda ndagizi za Musa walawile Yelusalemu walonga, "Yesu kambula Belizebuli! Mkulu wa vinyamkela, iyo yomwing’ha udaho wa kuwalava wanhu vinyamkela."

23 Baho Yesu kawakema na kulonga nao kwa mifano, "Ivo Mwenembago kodahaze kuiwinga mwenyego? 24 Kama wanhu wa ufaume umwe wahagomba wenyengo, ufaume uo wogwa, 25 ivija wanhu wa kae imwe ihaigola yenyego kwa yenyego, kae iyo haima. 26 Nayo Mwenembago yahaihinduka mwenyego kwa kuigola, hadaha kwima mbali kovika muuhelelo.

27 Habule munhu yoyose yodaha kwingila mwikae ya munhu yeli na ludabwa mkulu na kumboka vinhu vake bila kumgela nzabi ija yeli na ludabwa, na yahamgela nzabi lekaivo yamboke vinhu vake. 28 Yesu kawalongela, kweli nowalongela, malozo gose gomsang’hana na kufukula kwenu, kolekesigwa. 29 Mbali yoyose yomfukula Muhe wa Mulungu halekeseligwa mbee, lozo ijo hadilekesigwa mazua gose galibule uhelelo." 30 Yesu kalonga ivo kwavija wanhu wakala wolonga, "Kambula mwenembago."